WYHK

#NSS社會

[WYHK] 小弟今年13歲，讀男校，同學校啲同學唔係好夾，唔啱玩，可能係因為我唔鍾意打機。所以平時我都會好珍惜同其他校外朋友一齊玩，不過我有一個識咗好耐嘅朋友，佢係女仔黎，我當佢係兄弟，得閒無聊都會搵吓佢吹吓水，玩下咁。但係其實佢講嘢大部份都只會Send貼圖，打一兩個字，出嚟見面，如果我唔搵話題同佢講嘢，佢係唔會同我講嘢。從來都只係我話佢唔會有佢搵我，我近排心情唔係咁好，可能因為考試，開始對於呢啲小事都好炆憎，成日想放棄再同佢傾偈，但係又唔想失去一個朋友，我應該點算