#NSS學校
[Guest] 如果一科成績全級排名1x/13x, 但係都好僧上嗰科嘅堂同做嗰科嘅功課，係咪即係憎到極致？
呢科係英文，講返少少背景，我f2, 讀b1A英中，3歲就比阿媽捉咗去上英文班所以底子都唔算太差，我平時英文考試四份卷加埋考全級十幾，不過paper 1 (reading+gr) 全級頭五，既然我英文唔差，點解會咁憎佢呢？
其實我都唔知點解，小學嗰陣英文堂都已經覺得悶悶哋，不過嗰陣都未產生嗰種討厭嘅感覺，f1嘅時候，個miss其實教得唔錯，不過堂堂都唔係幾想聽書，而今年，個miss教得悶，正常功課 (學校ws, gr ex bk等等) 又唔俾，成日叫人做埋啲唔計分嘅project, 做完又話 “This is a self-directed learning project, it’s just an exercise for you, I won’t mark it.” 之後仲收都冇收過我哋份report, 科長兩星期前放喺佢個簿櫃，到而家都冇郁過，大佬我哋用咗10幾個鐘做嘅project, 你睇都唔睇一眼，佢脾氣仲好暴躁，郁啲就鬧人，可能係因為佢咁，我好憎上英文堂同做佢啲功課，不過我諗佢都只係喺火上加油嗰個，我嗰堆火本身就有
不過我諗而家搞成咁，我都好難會對英文改觀，但係距離DSE仲有幾年，如果之後嘅英文老師好少少，嗰種討厭嘅感覺或者都會經過時間嘅洗禮而沖淡左，我諗學校嘅老師唔會睇到呢篇野，就算有老師或者同學睇到，都唔會認得出係自己學校，不過我衷心希望編時間表嘅老師可以感應到我嘅諗法，或者上天你保佑吓我，或者運氣你幫吓我，嚟緊幾年嘅英文老師會教得好，唔好令自己因為自己嘅僧恨而影響一科咁有潛力嘅成績
sor for 1999
希望你哋睇得明
admin pls post ig