#NSS個人
[GUEST] 我…有病。
唔知大家有冇見過痴線佬， 我絕無疑問係一個痴線佬， 以下故事並非虛構， 本人真係痴線🕺。
唔好嘥大家時間，首先講下病徵。 我嘅病徵係冇病徵， let’s say 我同你行緊落去一條間唔中有人行過嘅斜路， 隔離啲車行得好密， 我表面望落去好似冇咩嘢， 正正常常， 但係， 當有人行過嘅時候， 唔知點解😕， 係唔知點解， 我係有衝動想推佢出去。 喺誕生咗呢個念頭之後， 我係會即刻淆底😬， 好淆， 我會 想像到個阿伯俾車撞死嘅畫面 ， 即係自己犯案時嘅「景象」 ，會即刻去搵一啲「證據」， 例如即刻啤住個阿伯， 留下深刻嘅memory➡ 佢仲在生， 去證明自己冇做到呢件事， 如果搵唔到足夠證據， 去說服自己冇做到呢件事，then 之後嗰幾個鐘， 或者成日， 我就會係咁諗係咁諗， 一直諗自己究竟有冇推到個阿伯出街， 然後去想像自己謀殺嘅後果。 我睇落去好似好正常， 個樣呆呆哋咁， 但其實我好驚， 我驚自己失控， 傷害到其他人， 呢啲咁嘅panic attack， 呢啲玩刑事嘅衝動， 我係講緊每日at least 1次， 我同你講， 我每日都處於一個極度淆底嘅狀態， 就嚟崩潰。
呢個問題一直纏繞住我好幾年， 可以話中一、中二啱啱開始出現， 我今年form 5， 嗰啲 panic attack 越嚟越嚴重， 次數越來越密， 而我所睇到嘅「 景象」 亦都越嚟越hard-core.
由同個女人一齊搭𨋢， 我會有一瞬間嘅衝動 想打鳩佢， 驚咗一驚，observe 個女人嘅行為 去證明自己冇做到。到試過入班房整嘢， 推跌咗人地一個筆盒， 塊刀片跌咗出嚟， 嗰一刻間， 一瞬間， 我會想攞塊刀片割同我執筆盒嗰條友嘅喉嚨， 最好笑係我唔識嗰條友， 仲要係低form仔，佢份人好nice， 然之後又重滔覆轍， 我又開始淆底， 好驚，搵證據， 經過一段我叫做「沉澱期」 嘅時間， 我先分得出事實嘅真假， 你可以話我獲得返我嘅理智。 我覺得自己好恐怖。 仲有好多例子， 例如一啲「景象」， 我諗到自己用筆去插人隻耳， 然後我又處於一個戇鳩狀態， 沉思自己有冇做到， 喺度諗自己整聾咗人哋， 要負上嘅責任。 暴力方面嘅「衝動」大約係咁， 仲有好多例子…
自從我知道咗我哋級有條友性騷擾咗一個女仔之後， 我完全係鬼上身， 我嘅衝動， 完全係好似想模仿緊嗰條友所做嘅嘢一樣。 睇睇下ig， 入人哋story， 我有一刻衝動， 相dm條女， 內容大意就係叫佢影「相」比我， 但係最好笑係， 我根本唔想要佢啲「相」， 我唔知點解自己會有一刻想dm佢， 然後有處於一個淆底狀態，check dm record， check自己究竟有冇同條女講過嘢, refresh, then check again, 起碼 refresh 5次， 我先可以叫做短暫釋懷。
前排小息， 好地地同班friend吹緊水， 行過一group 女仔，diu， 我有衝動想slap ass (diu 我打中文都尷到 pk)， 嗰一次嘅景象非常真實， 我係真係好驚， 我分辨唔到自己有冇做到， 我真係好驚， 我一路諗， 差啲上堂嗰陣喊出嚟， ff自己身敗名裂， 條女又有創傷， 嗰次我隔咗好長嘅時間， 先至搵得返「理智」。 咁當然我嘅衝動唔止上面咁簡單， 除咗強姦之外， 基本上所有性騷擾嘅行為， 我都係因為咁而曾經焦慮過。
咁當然， 同個病相處咗咁耐， 我都有啲backup機制， 例如行過啲女仔側邊， 我會用隻手搣住自己隻腳， 或者插褲袋，make sure 自己100% 冇可能做得出嗰啲嘢， 或者我估到自己就嚟會有衝動， 會嘗試分散自己注意力， 極度專注喺歌詞， 望車， 等等。
仲有其他一啲更加嚴重嘅刑事， 我都有衝動 想做， 我真係好驚， 我唔想傷害到其他人， 真係好驚有一日， 我嘅衝動會cover咗我嘅理智， 到現時為止我一直都冇做過上述任何一樣痴線嘢， 但係我唔夠膽擔保之後會點， 每日都處於一個極度緊張焦慮淆底嘅狀態， 我好驚自己會hurt到人， 所以我盡量避免出街 ， 上ig ，去人多嘅地方， 我去邊度一定起碼要有一個friend做我嘅spectator， 我先安心。
唯一一個知道我有呢個「病」 嘅人， 係我其中一個好朋友， 佢能夠短暫令我冷靜， 恢復理智， 但係， 我好驚之後自己失控， 我好想要返舊陣時嘅自己😣， 我唔想再痴線落去， 我認真係咪一定要睇醫生， 我唔想搵社工， 我真係唔知可以點算。