#NSS個人
[Guest] 我真係好討厭我媽
［文筆差注意！！！］
［微長文注意！！！］
–
講番背景先！
小妹今年f3，成績一向唔係幾好，近排仲轉埋online lesson上堂。
問心，我唔係d咩自律嘅人，所以我成日上堂玩手機，自然而然就會比我媽鬧。
係，我都知今年要揀科，但係我暫時都未有想鹹魚翻身嘅跡象（實在冇動力讀書，但係又冇咩特長）
–
事原係今日online補習。
我補3-4點，但係學校1:30先落堂，一般情況下我媽會叫我食完飯訓覺，下午做嘢會精神d。
但係今日就遲落堂，然後又要2:15前交課後d嘢，搞到食完飯攤左係張床度15分鐘就要補習。
咁補完習嘅我一般習慣玩陣電話先再做功課（我補習冇玩電話）但係我媽叫我訓覺。呢個時候我反叛心理黎左，然後我就冇理佢。
然後佢係度鬧我「今日成日都係度玩電話啦你，上堂又玩，而家又玩，隻眼唔使要啦你」
我問號左，我同佢講真係唔知音樂堂可以聽d咩，都係個老師係度講廢話。咁佢同我講我其他堂都有玩。但係問題係我真係有聽，老師問嘢我都答到…佢死都話我係答錯，佢仲問我夠唔夠膽死係學校上堂攞電話出黎打機…
小小的腦袋，大大的問號。
其實你都講過，學習係我嘅事佢唔理，你而家又係度廢up乜嘢？？？
我都係冇理到佢。
然後佢打左我一巴掌落塊面度，仲試圖搶走我電話。
我都係死死咁攞住冇俾到佢。
然後佢威脅我佢斷我屋企網絡同埋電話卡。
我仍然冇理到佢。
然後佢真係打電話去電信公司斷網。
我覺得自己好無助。點解就係因為我冇去訓午覺而斷屋企網，我唔理解。
–
sorry for 1999
第一次投稿，文筆唔好，留言可唔可以屌細力d🥲
btw thanks admin!!!