#NSS家庭
[Guest] 我真係好唔鍾意阿爸
（小長文）
由細到大佢都係每分每秒都可以因唔同嘅事講哂粗口，就連跌咗嘢落地都可以講一餐。仲要食煙食到佢咁冇品，平時佢喺廳食煙，咁我行返入房，佢見到之後就會衝入房鬧我話點解要走話我咁樣好唔尊重佢。
細個有嘢唔識整，叫佢幫我佢都會嫌我煩咁話「唉呀，我宜家有嘢做，晏啲先啦」，到肯幫我嗰陣，喺咁俾說話我聽，又話我蠢又盛。宜家我寧願自己上網睇都費事問佢。
佢平時返工係7點幾出門口，大概11點就已經買埋餸返屋企，然後成日都係坐喺屋企打機。而阿媽就朝早做到夜晚11點，不過係home office 。有時阿媽唔得閒就問阿爸一唔一齊出街行吓，冇一次肯陪我去，但佢啲frd叫佢出到流浮山佢都肯去。相反阿媽一抽到時間就會問我想唔想去邊到邊到。
但每次阿媽帶我出街，佢又要跟埋嚟，佢真係好煩，邊行邊喺到講「四點啦喎，仲唔返屋企，又要晏食飯啦。」連阿媽都頂唔順，叫佢下次唔好跟埋嚟。ok，佢之後少跟左😀但每次同阿媽或者frd出街，佢每隔一個鐘就打過嚟問幾時返屋企。好，佢要早瞓，所以要日日5點食飯，我算我理解佢，但佢根本晚晚12點幾先訓，叫佢不如唔好咁早食，又俾佢鬧。
同埋每晚臨訓都會鵝話返工好辛苦，幾時可以退休或者鵝話打呢隻game好辛苦，真係唔想再玩。返工辛苦我明（雖然我覺得阿媽辛苦過佢好多），但連打機都可以鵝，真係唔明佢有咩問題
最近，我話我要返學校攞嘢，佢話坐公共交通工具好多菌，咁我問佢可唔可以車我去，佢聽到即刻唔出聲睇返佢部電話🙂「咁你都係自己出去啦」真係好無言🤷🏻♀️
純粹想呻下🤧唔好插得咁大力
Sor for 1999
Thx admin