#NSS個人
[JCTIC] 自從上年12月頭起…好似.. 做咩都冇晒幹勁咁
本身恢復返實體上堂，但係因為第四波嘅出現，又變返zoom。每一日做嘅嘢都係起身上堂打機，食飯嘅時候打機，就連瞓覺嘅時候都去打機。每一日做嘅嘢都係咁，將學業擺喺另一邊，完全冇咩點諗過將來點。功課都係擺埋一二邊，都係揾同學抄，冇咩點上過堂。就算有陣時想認認真真想做功課嘅時候，心裏面彷彿有另外一把聲同自己講：遲啲先做喇，打機先喇，功課呢啲嘢揾同學抄咪得lor，使乜自己做啫。往往我都抵唔住誘惑，去咗打機。
到今年二月頭嘅時候，嫲嫲走咗，阿爸無奈被迫要返返去鄉下，搞身後事。屋企就得返我同媽咪，咁就一定避免唔到爭拗。咁我上上下堂嘅時候去咗打機，咁啱又俾佢見到，咁就引起了一條嘅導火線，咁就開始鬧我喇，咁我知都係我錯，我冇講咩，由得佢鬧。
咁俾佢鬧都會有啲負面嘅情緒，夜晚瞓覺嘅時候都會諗返起呢啲嘢，眼淚都會滴幾滴落嚟。都會喺度諗：不如死咗佢算？反正成世人都冇所事事，將來都唔知好似做啲咩。我覺得好迷茫，究竟我做緊啲咩？機又打得廢過人，書又讀得唔好。我可以做啲咩？有陣時真係想就咁死咗佢算，但係我又驚痛，唔知可以點。到而家都係混混噩噩，唔知自己想點。7月份就要揀課，都唔知可以揀咩，唔知自己擅長啲咩。
“係時候作出改變了”
sor for 1999