#NSS家庭
[GUEST] 小妹今年升F3，讀油尖旺某間1A學校，仲未可以自己出街，一啲私隱都冇，點先可以令我阿媽改變佢自己嘅諗法？
我身邊嘅同學個個都可以自己出街，屋企人會定時定候比零用錢佢哋，唯獨是我冇，我今年14歲啦大佬，因為我阿媽細個嘅時候自己出街蕩失路，仲要係夜麻麻，所以佢話我考完DSE先好自己出，而家全部都係工人帶，每次出街我要用幾多錢就問佢攞，剩返嗰啲全部俾返佢，真係好冇自由，之後又會定時定候check我部手機，我有陣時喺WhatsApp會同啲friend錄音互相串大家，我阿媽就問，乜嘢同學嚟㗎絕交啦，喺度話你死八婆，佢話你你可以同老師講，但你都唔可以話返人㗎！我心諗：依家有邊個唔係咁，真係好無語囉⋯⋯然後我係讀男女校㗎嘛，咁有時同啲男仔傾偈好正常，佢見到我同某個男仔聊天記錄特別多，佢就話我拍拖，仲好似喺度威脅我話你再咁我幫你轉校，有冇搞錯？同男仔傾偈有罪啊而家？之後佢叫我每次嚟M嘅時候都同佢講聲，如果同我出街食飯唔俾我飲凍野，呢個唔係問題，反正佢係女嘅，最大嘅問題係譬如去餐廳食嘢D侍應問我飲咩，我同佢哋講可樂，我阿媽可以喺公眾場合大聲講，唔得呀你嚟M飲其他嘢，然後真係有啲大叔望住我，真係好尷尬，所以我想請大家幫我諗下計？