#NSS個人
[港島某band1男女校] ［戴定頭盔 文筆唔好 唔好屌咁大力 pls］
是咁的，小妹身邊有個好friend嘅同學 咁下稱 A
咁十一月左右，我就同 A 開始熟啦，咁嗰陣時就真係唔所不談咁，我亦都會將好多自己私人嘅嘢同佢講
嗰陣時嘅佢喺我唔開心嘅時候真係會安慰會聆聽，咁但係問題來了
近排唔知做咩 我講任何嘢嘅時候佢都淨係會串我
咁我本身科學同中文個底都唔係咁好啦，咁佢就係公認呢兩科嘅學霸
但係當我一同佢講我有咩難題嘅時候佢都會串咗我先
話我無腦又有，話我人蠢無藥醫又有 ，話我一世都唔會進步就家常便飯添
我認我係蠢，我係比唔上佢嘅聰明，佢亦都絕對有呢個實力行出嚟串我
但係咁樣日日夜夜其實開始令我自尊同自信插水
所以我就開始係度諗
我究竟係唔係信咗錯嘅人？
但係身為學校入面嘅邊緣人
我唔可以就咁唔同佢繼續做friend
如果唔係我就會身邊一個friend都冇
喺一間drama多到爆嘅學校裡面，特別仲要係競爭好大嘅男女校，冇friend係一件好危險嘅事
咁意味著我要一路承受落去
我有反映過，但係佢好似採取呢個視而不見聽而不聞嘅態度
咁所以我嘅「反映」就係咁不了了之
所以想問大家究竟點樣先可以令到佢唔好再成日串爆我//增強我本身已經夠晒低嘅自尊🥲