#NSS個人
[Guest ] 我係一個喺美國讀書嘅人。所有人都話：嘩你就好啦，好有錢，讀書完全冇咩壓力㗎。但係我淨係想講請你唔好咁樣講。我讀公校，唔係移民，住喺媽咪個朋友A屋企，佢係外國人，佢哋識咗好耐，亦多謝佢哋肯比我長住。當我一開頭喺度讀嘅時候課程當然係簡單啲，因為我本身英文好差。今年開始bio好難因為我唔明啲字，咁到測驗嗰陣就大鑊，攞咗個bad grade。A知道咗之後就要求我將所有成績比去睇，每一項評分係A以下就瘋狂打擊我、鬧我話點解我做唔到perfect.你覺得你講嘅嘢冇hurt到我？但係你知唔知你俾咗好撚大壓力我，你成日喺度同人唱通街話我可以講到三種語言我成績幾好，我唔係俾你炫耀嘅資本。我覺得盡咗力就得啦，我每日溫書溫三個鐘我都覺得好辛苦，但係我唔想你哋失望。我冇得返香港同a講好唔開心a就話你有啲乜嘢唔開心呀，有得你食有得你住。我有同我父母講過咁嘅情況，但係我真係完全冇支持過我，佢哋話a都係想你好姐。久而久之我越嚟越唔想同人講嘢,好唔開心,晚晚都想死點解我會生存喺呢個世界上。我明白香港好多家長比好高嘅期望自己仔女，十項全能，讀書最叻，但係呢班家長從來冇諗過我哋點樣諗。如果你都有同樣嘅問題，我好明白你而家好唔開心。我喺其他同學嘅眼中係完美學童，識得三種語言而家學緊Spanish, GPA好高分。佢哋成日都話你真係好勁。我都唔知我覺得係開心定係唔開心。我想死嘅諗法已經持續左幾個月，希望有一日我真係可以擺脫到而家嘅情況。純粹放負，影響你心情唔好意思，對唔住。