#NSS學業
[Guest] 暑假得番兩個幾禮拜，但係我仲有大概90%功課未做，雖然未做，但係我都睇過啲功課，老實講睇落唔算難做，但係超級多份，夾埋20幾份，如果我每日狂做做到攰就停嘅話，一個禮拜內應該做得晒，但係之前一直hea, 搞到唔想做功課，咁今年 (本人升F2) 大概一半暑期功課都係用google classroom交，而嗰一半全部都唔係31/8 23:59 deadline, 有啲已經過咗deadline，咁我都有底線嘅，就係永遠唔好欠交功課，所以已經交咗嗰啲功課 (全部都係deadline前一個鐘先開始做)，我發覺我每次一開始咗做功課，就會做上癮，做完一份就想做第二份，不過我做啊嗰堆功課嘅時候已經好夜，所以做完就去咗瞓覺啦，我諗我如果朝頭早開始做，既然會做上癮，咁一日應該可以做到好多功課，hea咗咁耐，我覺得我應該要開始勤力返少少，所以聽朝開始做功課
呢件事令我諗返我成年F1，停課嗰陣頹到一個點，返學嗰陣就好勤力，因為我學校每日都至少有一個quiz, 所以絕對冇得偷懶，但係一放假，我就好頹，想問吓大家，可以點樣改善我呢個情況？我驚到DSE嗰陣冇人迫我，我會好頹