#NSS個人
[guest ] admin po ig pls
是咁的，想解決少少問題所以嚟問下
小妹有個朋友(稱A)，識咗佢4年幾。
佢有D內向，身邊冇咩friend，得我同另一個女仔(B)。我同B唔係好熟，中三分班之後A同B一班，但我地仲Keep friend嘅，佢基本上有野就問我同B，但多數都係問我，我都會用我嘅見解幫佢解答，多數問D感情事，同埋D奇怪嘅logic。
但問題就在於因為佢冇咩朋友，又唔鐘意去揾，就成日揾我玩。但係我都有其他朋友，我都會同其他人玩，佢見到我同人地玩或者傾計就會唔開心黑面拉住我走，之後就會私底話我唔陪佢，但其實就係我一直陪佢嘅時候佢自己走咗。
我就話：吓，其實無人唔陪你喎，係你自己一個人行咗去啫，你一齊嚟傾嚟玩冇人趕你走架。
然後佢就講一堆理由，話鐘意少D人，唔知我啲friend覺得佢點之類。我一開始諗，佢內向唔鐘意社交同噪，就下佢冇所謂啦。
但之後越嚟越多問我呢啲問題，我同人出街po ig，佢就會問我做咩事同人玩。我同網友打機佢又話我唔陪佢，我拉埋佢玩囉，佢又叫我唔準同人玩黑我面。
我同佢講我唔係正係得你一個friend架，你自己揀一唔一齊玩
佢就問點解唔係我揀佢(之後開始語無論次話佢付出咗好多比我但我無顧佢感受)
吓…咁意思係我正係可以同你玩？
試問各位點矯正佢呢種奇怪嘅觀念…