#NSS學校
[[Cfss]] 由2月11號起我地學校恢復全日制，即50分鐘一堂同得1個鐘食飯。首先，每堂上50分鐘唔單止唔可以促進學生嘅學習效率，反而會令課堂十分沉悶，到時老師又要鬧學生，班學生又冇晒興趣聽書，咁有咩意義呢？而且全日制安排只會令學生更少時間溫書，做功課，玩同做運動，增加學生壓力同減低佢哋嘅快樂指數，仲話要多元化發展，食屎啦！
其次，1個鐘食飯時間，你覺得我地食到d咩，買飯唔使時間架，定係學校認為我地有能力好快就可以食完飯，你可能會話，打工仔都係得1個鐘lunch time,佢哋都生存到，點解學生唔得？打工仔可以一早打電話落單先，但係學生唔可以喺學校用電話，去到舖頭落單之後有排等，去到下晝上堂有啲同學依然未飽，上堂又點會有精神？
學校應該都唔會反省或重視學生嘅訴求，我都係純粹想宣洩一下