#NSS個人
[GUEST] 我暗戀咗三年嘅師兄一夜之間變咗我啊哥…
小妹今年f4，單親家庭長大，話說幾個月前我老母突然問我介唔介意多個老竇，我就唔係好在乎呢啲嘢，認為唔係我多個老竇，而係我老母多個老公，我老母又問咁介唔介意搬過去同嗰個男嘅一齊住，我就梗係唔肯啦，我老母都理解我冇強迫我。
之後我同我老母同佢個未來老公就約出街食飯順便見下面，傾到我嘅時候個男嘅講話佢個仔同我同間學校，跟住俾佢個仔張相我睇，我一睇，嘩，呢個咪我暗戀嘅師兄？！隔咗一陣個男嘅又突然話佢個仔喺呢附近不如叫埋佢過嚟，我又冇咩理由反對，個男嘅就叫咗佢過嚟，個師兄嚟到嘅時候見到我嚇咗一驚（我同佢都識對方），尷尷尬尬咁就完咗餐飯。
我之後仲可以點，如果我老母同嗰個男嘅結咗婚嘅話，仲應唔應該繼續鍾意？
sor for 1999