#NSS學業
[𝔠ꏳsɔ] 介紹返自己先 今年讀緊中一 小學成績一向唔算差
但係上到中學之後 test quiz 陸續有來 我自問係都幾重視成績嘅人 所以每次都會温到好晏 差唔多2,3點先訓 4,5點再起身再温 雖然我身體上承受到 但係真係好大壓力 成日覺得自己做到唔夠好咁 好多好多負面情緒 起初我都會po動 希望有人安慰下我 但係冇耐我就覺得自己好似好自私 呢個世界唔只我一個人頽 我唔想因為我嘅情緒而影響到其他人 所以好多時都係收收埋埋 但係喺人地面前扮無事真係好辛苦 每次返學都好似做緊一齣戲…
當喊都冇用嘅時候 我開始試自殘 雖然有啲痛 但係將啲情緒釋放左出嚟之後 個心舒服左好多
嚟緊又有test 成個月咁長 負面情緒又陸續有來 我屋企人好好 冇乜點比壓力我 又成日帶我去玩 但係可能我對自己多少少要求 佢地越咁做 我就越想做得更好 搞到依家咁樣 我媽成日同我講 做人唔係淨係得讀書 我完全明白 亦都唔信有手有腳會餓死 但係學生嘅責任就係讀好書 屋企人咁錫我 我都係想盡好自己嘅本份啫…
另外我都想係度同你打打氣! 希望你睇到呢篇文啦~ 我知你同我一樣咁大壓力 甚至你比我更辛苦 但係千奇唔好因為咁而想做傻事呀((我知我冇資格勸你e.. 呢啲野一次都嫌多 我知道你嘅經歷比我多 我亦都唔會100%了解你 但係記住 我永遠都係你best frd!! 一齊加油 :))
好多謝咁多位睇完呢篇文 希望你地明白我啦~ 純發泄._.