#NSS個人
[Guest] 大家好, 小弟係一個普通到冇得再普通嘅人, 第一次係IG講咁多有關自己嘅嘢。
小弟係一個好鍾意聽歌嘅人, 特別係80-90年代嘅舊歌。可能你會問, 會唔會out咗D?其實, 舊歌嘅內涵、音樂性質、製作技巧, 都唔比宜家嘅新歌差。當然, 每個人嘅興趣都唔一樣, 我唔會刻意講到自己好似好特別咁, 希望唔會令到大家覺得反感啦～
除咗聽歌, 我都會研究耳機同埋音響。*小弟唔係有錢仔, 只係對尼一方面好感興趣, 而且都係從聽歌尼個範疇延伸出嚟嘅。* 就咁講, 可能有小小空泛或者疑惑, 容許我簡單講小小有關尼方面嘅嘢~
首先, 我個人意見嚟睇, 聽歌嘅層次其實分咗好多種, 例如串流平臺、興趣專攻、入門發燒、耳機搭配、實體音樂、專業音響器材等等。 唔知大家又會屬於邊一個範疇呢？其次, 小弟對於音樂, 都有以下嘅見解。音樂嘅呈現形式、性質、配樂、長度等等, 都係獨一無二嘅, 而且, 一個音樂作品都代表咗歌手自己嘅演唱風格以及對於聽眾嘅定位。所以, 每一首歌都有值得保存同埋延續嘅價值。如果大家有自己好鍾意嘅一首歌, 小弟希望各位能夠將尼首歌, 或者尼個音樂嘅種類, 佔內心一席之地, 甚或乎日後有經濟能力, 選購專業音響器材, 重新播放番你鍾意嘅歌, 我敢保證, 你會對聽歌有更深一層次嘅詮釋同埋感受。有好多嘢, 過去咗就過去咗, 只係淨番無窮嘅懷念, 只要仲有氣有力, 我都覺得要將尼種懷念持續落去, 用更加真實嘅方式, 記錄同埋呈現出嚟。
小弟嘅性格, 亦都可能造就咗尼一方面嘅興趣養成。平時小弟係比較內向嘅人, 比較少講嘢, 就算同班上面嘅同學坐埋一齊, 都係做聆聽者居多。自認係一個非常好嘅保密者, 因為就算身邊嘅朋友講完, 我都唔會擺響心入面。小弟唔係對友情毫無感覺嘅人, 只不過係, 仲未搵到真真正正能夠暢所欲言、志趣相投嘅人。就好似聽歌咁, 冇人可以阻止你想聽咩嘢類型嘅歌。小弟唔識表達自己, 希望上面尼番說話唔會搞到好似青山演講咁。
Sorry for 1999