#NSS個人
[GUEST] 長文 講野可能會1919唔好意思🙏🏻
–
我今年f4 女仔 讀女校
性格..大概係對住唔熟/陌生人會顯得比較外向+獨立
實際上對frd/屋企人都係會比較黏人同依賴
而且超級超級鍾意有身體接觸
（即係行路拖手 見到面可能會攬下之類
（唔知係咪女校都係咁但本身同其他frd都係咁樣相處
f3一開頭因為坐得緊識左A
A係嗰種諗野比較成熟但又可以打打鬧鬧嘅女仔
同佢相處好舒服 又覺得好投契 所以我地好快變到好熟
f3因為covid其實都冇乜點返過學 但係我同A都可以繼續ig傾計keep relationship
一直到9月升f4都仲係好frd
見翻面都係一如既往攬佢 佢都冇話唔鍾意 仲會攬返轉頭
12月A上左嚟我屋企玩 一齊睇片睇到有人撒嬌
我就叫A不如嗌我一次姐姐（本身計返我係大過佢
A本身都唔肯 後來我lur左一陣佢就照嗌左次
大概1月頭嗰陣我發現A開始少同我講野
覆嘅時候都好似冇咁認真
本來就算未到無話不談 都至少會日日傾計覆對方story
我人可能比較直接+唔太識睇氣氛
就直問佢係咪唔鍾意我覺得我煩所以唔想理我
A話唔係跟住又好似變返以前咁
但係跟住落嚟一個月呢個情況不斷發生
就係突然冷淡 跟住問佢 佢又熱情返咁..
直到有次A一直冇覆我 不讀不回
但係我見到佢po closefrd story
就問佢「係咪真係咁唔想覆我機qwq」
結果三分鐘後佢read左我 然後我就睇唔返個story
（大概就係佢remove左我/即刻del左）
嗰日我自己喊左好耐 想搵人講下但係又唔知點講
只係覺得好不解好同有少少少少委屈
完全唔知自己做過咩嘢就突然被單方面拒絕..
後來同另一個人傾完 決定要kind of攤牌
話咁樣好攰 到底佢想點 我做錯嘢你可唔可以都話我知而唔係直接判我死刑
然後A read左我 一個字都冇覆 都冇like我msg
半個月後A覆我 話唔係覺得我煩 只係真係唔鍾意撒嬌同攬 話自己好珍惜每一個朋友 絕對唔會冷暴力
但係復課之後我見到佢同佢其他frd都係會攬 好似我同佢之前咁..
到底A係唔鍾意我定係真係純粹感情冷淡期？
如果只係冷淡期又點解要話自己唔鍾意hugs結果又攬其他人？
又或者係咪我真係做錯左咩..我而家又應該點做..