#NSS學校
[GUEST] 我之前有一班best friend，係真係friend到咩都同對方講嗰隻，但係喺幾個月前，我哋開始出現矛盾，而家已經絕咗交。
一開始就得我一個分別同A,B熟，我自己再開始同C講嘢，慢慢變熟，就介紹咗佢哋認識，開咗個group，我以為多人就熱鬧啲，但其實原來友誼真係唔可以多過兩個人，後尾竟然連最遲add入group嘅B都熟A同C多過我。
起初我哋都幾融洽，有咩都同對方傾訴噉，但係之後佢哋開始集體串我，一齊好似講笑咁話我，我都認為佢哋係講緊笑啦，所以有時都會串返佢哋，雖然自己都有唔開心，但覺得只係朋友間嘅玩笑。
但係我越忍之後佢哋就變本加厲，一齊串我嘅頻率同埋串得mean多咗好多，好似以為我冇反應就冇事咁，所以我就同佢哋坦白咗，自己會因為佢哋講嘅嘢搞到自己好唔開心。
我以為講完之後可以互相道歉，化解呢個矛盾。點知佢哋開始話返我轉頭，話我都係噉串佢哋架啦，話我成日串佢哋係狗，又話B矮，我承認我係有咁講過，我承認呢方面係我錯，但其實佢哋同樣都有一直咁講我，我同佢哋講返佢哋都有噉做啦，佢哋就話係因為我噉做，佢哋先還手，但佢哋又有冇諗過我何嘗唔係？
佢哋亦都有話我成日喺度捉錯字（但其實佢哋都有），柒咗唔認，所以從此以後我就冇再捉過錯字，而柒咗唔認呢方面我更加覺得係佢哋強加上嚟，有時我打錯字，只係收返個msg打多次，佢哋就話我柒咗打錯字唔認，所以之後我打錯字都唔會del，要講句「我打錯字我犯賤」，佢哋先肯收貨。有時我直情唔講某啲嘢，佢哋就話係因為我柒咗，或者柒咗唔認，先知唔講，我真係覺得好多餘，點解有啲嘢我直情skip咗唔講，都可以屈到我？
唔只噉，當我同佢哋講我唔開心嗰陣，B亦都話佢因為我而唔開心，C仲話我同B鬥慘，B仲即刻copy低晒我話自己點唔開心法嘅msg，就算到後尾我平復完心情，del返都唔夠B快。B就開始直接send落個grp度同其他人一齊笑我，嗰陣時我真係好hurt，我有諗過結束生命，但係我都冇同佢哋講，因為我知道佢哋係會笑我，而唔係開解我，言歸正傳，同佢一齊笑我嘅A仲話係revenge，但係中一嗰陣明明佢同我傾訴啲咩，我都會開解佢，冇諗到自己會得到咁嘅回報，但係呢件事我都忍咗，因為我唔想失去呢班frd，而且，自從我知道佢哋因為我而唔開心，我串佢哋嘅頻率已經低咗好多，但佢哋知道我會唔開心之後，串我嘅行為係完全冇停過，有時我都係唔忿氣到極點先會還口。
到後尾，又多咗個人入grp（下稱D），D算係可以話係好少加把口一齊串我嗰個，而有一日我哋約好咗去C嘅屋企，點知到當天，D阿媽先知臨時轉肽唔俾D去，於是我咪話「真係屌你老母」，講笑鬧D阿媽啦，點知C就特登撩交嗌，話咩「加咗『真係』兩隻字就係唔係鬧緊D?」，暗示我係鬧緊D，唔係鬧緊佢阿媽，明明我就淨係鬧緊D阿媽，C仲講一堆挑釁我嘅說話，我已經三番四次同D講唔係你嘅錯，但係佢哋曲解我意思而又唔理我解釋嘅事件已經多不勝數，所以我就話如果做frd連信任都冇，不如絕交啦，C就話預咗frd做唔長，於是我就退咗grp。
當我以為退咗grp之後就可以冷靜下，我同B喺學校都扮冇嘢，好似仲好frd咁，但係無啦啦有一日，C就dm我話「做人可唔可以唔好咁冇品，爆我啲嘢出去」，但係我完全冇爆過，我就問返佢我做過啲咩，佢就話我自己知，隨後，B就dm我send晒我之前唔開心嘅msg過黎，我真係超唔開心同無解，點解我已經退咗grp，咩都冇做過，我都仲要得到咁樣嘅對待，係咪已經當咗我係佢哋指定欺淩發洩對象？？而且B做完呢啲嘢之後，仲可以如常咁撩我講嘢，好似冇咗件事或者覺得我唔會唔開心咁，點解可以一啲歉意都冇？？
而近排，唔知點解我開始成日發夢見到佢哋，有不和狀態嘅夢，有和好狀態嘅夢，所以我就主動搵咗A同佢道歉（佢算串得最輕微嗰個），佢亦都有同我道返歉，我哋就和好咗，雖然和好完見到對方都係冇講過嘢。
再過一排，我一直都會諗到同佢哋嘅事，就會進入低潮狀態，成個人變得好自責，覺得會唔會係自己錯呢，就dm C同佢話可能我之前講嘢方面真係有做錯，點知佢直接已讀我。但當我正常返嗰陣就覺得自己好蠢，唔應該同呢啲人道歉。
我開始睇下呢個page有冇同我一樣畀人欺淩嘅人，發現有一個po下面，B cm叫C tag我，唔知係咪疑似想二次傷害我，唔知佢哋目的是否如此，但我見到呢個cm嗰陣已經覺得好唔開心。
我承認一開始我哋雙方都有錯，但到最後我肯定唔係我錯，我真係好想知道點解啲人可以咁冇廉恥，做完咁多嘢一句sorry都唔講，就算個受害者主動認錯，都可以已讀不回，一啲內疚都冇？？我見到B做完呢啲嘢之後咩事都冇，真係好唔忿氣，雖然已經過左幾個月，但係我都係無法原諒佢哋。大家真係要帶眼識人，有時坦白從寬反而比死忍爛忍，對段關係更有利。而家只好識過堆新frd，雖然而家全部人都有晒自己best frd💩💩。
Sor for 1999💩