#NSS學校
[九龍城 民X 書院] 大家好 小弟今年 F2 有件事想問下大家意見 ： 我阿爸近排突然話 : 「 既然近排咁多人移民 我哋短時間內又唔會移民 不如你試下插班轉去其他超勁嘅名校 例如英皇 喇沙話唔定會幫到你喺 DSE 攞到好啲嘅成績 」 佢話 DSE 嘅卷一般係由名校嘅老師出 所以佢話讀嗰啲學校嘅人會攞到多啲料 同埋嗰啲名校老師通常係改 DSE 嘅 老師所以轉去呢 D.學校 對DSE 係百利而無一害 加上以往呢啲名校好難入 但而家多咗人移民 收生門檻可能會降低 所以叫我試下中三插班入去
但…….
我畢竟係呢間學校讀咗十一年 （由k1開始） 識落咗一班朋友 建立咗一啲社交圈子 而家貿然轉校又驚會同呢班朋友疏遠咗 同喺新學校識唔到新朋友
另外其實我係讀九龍城嘅民生書院 我個人覺得呢間學校都幾好 根本冇需要轉去嗰啲所謂嘅超勁名校 英皇 喇沙……
再加上我下年就選科 如果呢個時候轉校好似冇咁好 （？）
懇請大家畀啲意見 我阿爸呢幾日開始不斷講呢件事 又話如果你係唔願意跳出舒適圈 到時 DSE 嘅成績唔好唔好怪人 …….
Thx admin