#NSS個人
[孑然一身中學] [Admin po IG please]
小妹今年中四，都算有幾多朋友，同全班都搭到嘴。但係因為我成日遊走於各圈子之間，好難完全融入一個圈子。我成日走嚟走去傾下計，但係有時佢哋啲話題唔啱，我又會走去另外一組咁。
之前曾經有圈子同「知己」反面所以宜家有陰影，有時仲會因為以前嘅事而自卑。宜家每次同唔同朋友出街都係三人行，我都覺得佢哋好似熟啲所以要兩人行嗰啲我都會自動讓佢哋兩個，自己一個人行後面，但係同時又覺得自己好慘。成日同其他班上嘅圈子傾計嘅時候，我都覺得自己格格不入，只係傾到學業。曾經有個朋友問我點解成日周圍走唔留低，其實就係因為我好驚發生之前個圈子嘅事所以唔敢只係「投資」喺一個圈子上面，而且我又經常夾唔到話題。
其實我真係好渴望有一個自己嘅圈子或者一個知己咁，可以成日一齊出街玩，又有共同話題，例如鍾意講啲有深度啲，人生哲理嘅嘢。本來以為中四轉班我會搵到適合自己嘅一個圈子，但係宜家嘅友情都只係流於表面或者同佢哋唔夾。
可能有人會話，一個人原來都可以盡興，但係我深知自己唔係呢種人，我仲會成日發夢見到自己同一堆朋友出去玩，但係每一個朋友個樣都係我自己個樣。知己真係咁難求咩？唉，如果一世都冇知己不如自殺算。
唔知有冇人有類似經歷可以比意見我？
Sorry for 1989