#NSS愛情
[Guest] （first time 投稿）下面長文
小弟今年Form2 。小五開始對班上一個女仔心動，之後咁啱係坐我隔離。佢成日帶到正能量畀我，放學間唔時都會傾下電話咁。之後我就開始鍾意佢。
小五到小六上學期嗰時大家真係玩得好開心。去到下學期，個女仔開始同其他男仔玩，又有啲身體接觸，咁我有啲呷醋。佢開始唔太理我，我亦覺得自己只係單戀，佢應該唔會鍾意我㗎啦。我開始想放棄。不過放棄之後晚晚都諗起佢，但又唔捨得。
上到中一，疫情，大半年唔使返學。我哋之間個關係已經係去到零。我都覺得佢徹底放棄。
去到中二即係今年，學業壓力，家人期望，有抑鬱症。冇一日有開心過，頹左好耐，搵唔到人生意義，好想死。有一日晚，無啦啦諗起個女仔，諗起之前同佢嘅回憶，等然覺得好開心。我知道自己要搵返佢先可以令我每日過得開心。
之後我去搵個女仔最好嘅朋友。佢幫我直接問其實佢而家鍾唔鍾意我。結果個答案令我好驚訝。原來個女仔小六開始已經鍾意我，佢以為我唔鍾意佢所以用咗一年就放棄左。一陣間，我直接IG表白，但係佢話已經冇咗個feel，唔會有可能。一日後，我presentation 同佢對望左一下，我feel 到佢對我仲係有感覺。
我真係好需要佢，但係又唔知佢而家係咪鍾意我。我個IG比佢block 左，冇曬計。我好迷惘，唔知點算好。Ching 求方法同埋方向。唔好吊太大力。