#NSS學業
[[GUEST]] plz post ig🤎
少長文
第一次投 有啲唔關係 勿屌
我係女仔(有啲廢)，今年中一，有個中四嘅家姐，佢學校係讀igcse gce (即係英國嗰啲) ，媽咪有BNO。
近排都feel到爹哋媽咪應該想我同家姐去英國讀書。(去聽一啲升學(外國)講座，打電話去諮詢)
我好想留喺香港，好有歸屬感。加上我間學校都係算ok 覺得咁難得考到入去，唔好咁輕易就走。
爹哋媽咪係諗 ：家姐大概中五至會走去英國，我大概中三走，過到去家姐係讀大學。
我有好多同學去咗英國，甚至我媽咪去問咗我嘅好朋友讀緊嘅學校 去了解如果我過咗去嘅話 會讀year 幾 等等而我係12月頭出世 所以同我嘅好朋友唔會同一個年級
(低佢一級)
我平時唔係好獨立 ，習慣咗依賴屋企人 ，其實我好驚如果自己一個人去咗英國。如果去英國嘅話，我想全家一齊移民（以屋企嘅經濟能力可以）但係爹哋唔想。
如果唔係全家移民去英國，我就唔想去。
我英文唔係好掂。
如果你哋各位係我嘅話，會留低喺香港讀到大學，定係中三就去英國讀書？唔該
（唔關事嘅嘢：其實咩係sor for 1999)