#NSS愛情
[GUEST] Hello 咁小弟就係一個中三嘅學生 話說最近鍾意咗個留級生(都唔知算唔算係)
咁就話說自己都係一間男校，約成日周街聽到人哋話男校出基佬(我知道係有啲on9) 咁入返正題先 咁佢就係一個中三嘅留級生 一開始升到嚟中三 因為其他朋友喺隔離班 所以都幾人新路不熟 咁佢就係坐我隔離嘅 一開始都冇乜嘢講 咁佢就係高高瘦瘦 斯斯文文咁樣啦 但係老師又再調多次位嘅時候 佢就坐咗喺我前面 咁我哋都開始熟咗啦(因為我哋學校收功課係一行一行咁樣傳出嚟所以有陣時佢都會問我 咁其實佢都幾鍾意瞓覺嘅 需要嘅時候上堂諗住啲咩佢都會問返我) 咁有一次我哋傾傾吓計佢突然間摸我 咁自問自己都係一個少少肥嘅人 佢又話我好好摸 唔知點解果下開始有啲心跳加快 之後每一日返到嚟都好似想俾佢摸咁(其實我係咪真係基㗎呢？) 我就唔知點解成日都好想吸引佢注意 但係又硬係覺得自己同佢唔係好夠熟 咁之後後尾老師又再掉位 我哋有更加留意佢 唔知點解見到佢同其他人傾偈我會有啲心酸 仲要喺呢幾日瞓瞓吓覺突然間諗到佢(佢突然間捉咗我入廁所之後嘴咗我)(WTF) 佢仲要有一次坐咗喺人哋大脾度 我想好似有啲呷醋feel咁
但係我到而家都唔知點好 因為我屋企人係比較反對同性戀 同埋我覺得自己係bi 所以都困擾咗我好耐 咁我有咩辦法可以做？ 大佬們指教一下小弟 sorry for 1999