#NSS個人
[Guest] ［女仔嘅友誼唔好全心投入（除非真係真係值得）］2.0
我，仍然係我🙋🏻♀️（同一個樓主）
其實呢篇嘢純粹對某啲comment ( for 呢啲事)有嘢想講&身為過來人嘅睇法。
sor, 我呢排有啲忙（無理啦間提早暑假），呢個投稿打咗一半就唔得閒打🐒
唔知發生乜事就睇返上個投稿。
（IG 4月3號 post嘅）
其實我見到留言都有唔少人經歷過🫠，又見到有人鼓勵我/曾經經歷過嘅人
Thank you🫶🏻
（我已經冇嘢，投搞只係想更多人知&關心呢啲事）
（並不只係我呢個案例）有啲人可能會覺得呢啲事大把人發生啦⋯ 但正正因為多人發生先值得攞出嚟講！被bully 嘅感受真係會想去死，會心諗：點解要係我？我付出咁多都換唔到一個真心嘅朋友？」而且被人bully 只會得關事嘅人知，外來人好可能唔信，仲可能會話受害者扮可憐博同情。
被人bully 有好多種，唔知嘅千祈唔好鬧佢哋，可能真係扮可憐，但有時真係會錯怪人！好有可能會變成「殺人」幫兇。
（其實上面仲有好多嘢想講，但係廢事講太多，有任何見解 pls comment，有時睇到真係會好窩心，感覺好似搵到個明白自己嘅人！）
其實我被bully嗰陣並非最痛苦，而係事件後發現自己當時竟然屈服比「兇手(s)」！
就會將之前+之後嘅各種情緒撈埋一齊，再+自己亂諗嘢。呢一下先係令我最痛苦⋯仲要當時自己*唔會*將（除咗學業某方面上）壓力話比屋企人知：朋友冇，屋企唔講，所有野自己消化，消化唔到就壓係心底，用時間沖淡一切，最後不了了之⋯⋯
通常被bully嘅人久而久之會愈嚟愈「獨立」 ，唔會再將自己個心交比人，用無限♾️個鎖🔒鎖住個心，總會俾堅強嗰面你睇。可能你會覺得：咁唔好咩？獨立啲～」但正正因為咁，佢哋所有嘢屈喺個心入面，屈下屈下真係好易出事⋯⋯
當你見到一個好成熟嘅人，可能佢曾經經歷過啲嘢，並唔係你想像中咁簡單。
其實好多嘢都可以簡簡單單，但係點解啲人唔明？bully一個人？知唔知對被bully嗰個好大影響……
可能前言不對後語😌 sor，隔咗好耐先寫下半part，之前有啲嘢想講，但唔記得咗😂。
錯別字勿理，都係嗰句：信不信由你，冇人迫你睇：）
最後希望大家可以搵到「真正、真心」嘅朋友，有咩事唔好鑽牛角尖！
一切總會過去的。 Good luck guys.
可能會出3.0，睇下會唔會突然有嘢想講。
Bye🤲🏻