#NSS家庭
[guest] 篇文少長
我勁唔爽我工人，佢做野真係唔帶腦
咁話說我晏晝就係度同我嫲嫲包餛飩，咁啲餛飩係我由頭到尾一手包辦啦，跟住我地差唔多包完嗰時，我嫲嫲就用廣東話同我工人講叫佢滾水攞啲餛飩去煮啦。(利申 我工人唔識講廣東話，但係係香港住咗好多年，所以唔多唔少都識聽啲咁)咁我同我嫲嫲以為佢聽得明，就繼續包餛飩。點知我地包完之後發覺佢攞咗啲餛飩去蒸🙂，真心蒸餛飩我都係第一次見。之後啲餛飩皮就同我痴晒係個碟上面🙂我嗰時成塊面黑晒，佢都仲係一句sorry都冇。其實認真你唔明可以問我架嘛，我又唔係唔識講英文🤷🏻♀️你唔明我咪解釋比你聽囉
去到夜晚啦，過咗咁耐，心情都好返啲。點知我發覺佢掂過我啲figure同kpop嘅週邊😊但係我之前係非常地清楚咁用英文同佢講過叫佢咪掂嗰啲野，就算有塵都唔好掂，我自己會清。大佬你整爛我啲野係咪你賠，同埋有啲野有錢都買唔返㗎，你去邊度同我買返嚟，比錢我都未必搵得返樣野嚟買啦🙄我當你真係好想清走啲塵，咁好心你將我啲野放返同一個方向啊，啲嘢我親自擺，冇可能連方向都記唔住啊嘛，可唔可以用下腦唔該
其實佢都唔係第一次做埋啲咁嘅弱智野
(例如: 三四日用晒成支新買返嚟嘅洗潔精，或者係攞我老母啲頗貴嘅豬排攞去焗到乾晒，又或者係我老母攞咗包豬肉出嚟諗住自己蒸，只係因為去咗個廁所，佢問都唔問就將成包豬肉攞去煮咗。但係一鬧佢，佢又比面色你睇，剩係唔比面色我老豆睇，因為我老豆係出人工嗰個😉)
對唔住要大家睇我放負
sor for 1999