#NSS愛情
[九龍城區中學] 以前啲人話 player一定有報應架 我初時都唔信
然而我今日終於明白
呢5-6年黎我由一個無知嘅愛情練習生變到識各式各樣skills 嘅情場高手 之後不斷周圍溝仔玩弄感情收兵乜都做齊 呃錢呃感情仲以為自己好成功 結果走上一條不歸路
正當我以為贏盡呢個世界贏盡一切嘅時候然而我失去咗一個我真正愛嘅人！盡管每次去到邊度都溝到仔 但係我根本唔係真係鍾意佢哋 一直以黎愛情對我黎講Just a game 每溝到一條仔就好似儲積分咁 收兵當升level 能夠令D仔死心塌地幫自己做野就覺得好成功 一直都冇乜feel到咩係真正鍾意嘅感覺 除咗初戀果時
近呢三年 我嘅技術同手段進步咗好多 我開始濫用我識嘅skills 出好多禁術 變成一個玩弄感情嘅仆街 但係始終player都係人 佢哋都有真正鐘意嘅人 終於有一日俾我遇到 可惜上天就係唔俾我得到 可能係因為我以前做過太多衰嘢所以而家有報應
佢只係一個平平無奇嘅普通人 同我啲擇偶條件無乜相同 可能因為我同佢係同學傾傾講講玩得多日久生情 有時見到佢有一種突如其來心跳嘅感覺 自己沉咗船都唔覺 對住佢我平時D技術無曬 竟然願意為咗佢鍾意嘅嘢即卡衝落街買 愛佢愛到完全失晒理智日日夜夜成個腦都諗住佢 過咗幾個月終於有一日我忍唔住同咗佢表白 完全違反我一直所學嘅戀愛技巧 最後當然嚇親佢失敗咗
好大機會以後連朋友都做唔成 我贏盡呢個世界但係失去左你 而家先發現自己輸得好徹底 再溝到幾多條仔都冇用 因為佢哋根本唔係我鍾意嘅
呢一刻 我好sad 半個身跌咗落谷底 每日見你同其他人玩得咁開心 諗返起曾經你喺我身邊每日返學一齊玩無憂無慮嘅日子真係好快樂 係我中學生涯最開心嘅事
所以我明白到做人唔好去得太盡唔係會輸得徹底 上天要你滅亡必先令你瘋狂 周圍溝仔都好 唔啱嘅真係要say no 唔好收兵去得太盡 更加唔好濫用愛情技術 唔係最後嘅話真係會有報應㗎！