#NSS愛情
[［某港島區男校］]
先感謝admin po ig🙌🏻
大家好～ 小弟想知道我應唔應該同點告白。
咁呢小弟今年F.2，係mb OwO, 性格普通(？)身高167cm(涙崩) ，鍾意咗一個F.3學長，先叫佢A。A都同我幾close(?) 下，會攬頭攬頸，我哋小息嗰陣會去對方嘅課室到(有陣時佢搵我，有陣時我搵佢) 跟住我哋都住得幾近，所以有陣時會去佢屋企溫書(我成績麻麻)(再次涙崩)。A一開始比我嘅印象係好高同幾靚仔，成績好好但有啲惡+冷淡，所以嗰陣時同佢冇乜交集，但係因為喺排球校隊相處耐左，我發現佢只係不善言辭，其實份人好溫柔同細心🥺！
之前校隊因為我嘅失誤而輸咗比賽，嗰陣我勁sad勁regret，好自責⋯⋯明明大家一齊練左咁耐⋯⋯比完賽大家都開始覺得有啲唔爽，然後隊友X就開始有啲嬲：「XXX(我全名)你有冇搞錯啊！明明爭一分就可以贏㗎喇！」尷尬嘅氣氛出現咗，雖然聽落去唔舒服，但係我嗰陣都係咁覺得，所以就同大家道歉。我見到A喺隔離望住我哋呢邊，仲以為佢都想怪我所以想令轉頭走，點知A衝咗過嚟拉住咗我手腕（？？！) (心臟暴擊omg)然後佢平時微面癱嘅樣變成左好嬲嘅樣(都係咁靚仔🥺對唔住容我花痴一下)(咳)跟住A就話：「XXX (隊友X) 你有咩資格怪佢？！我覺得(我個名)啱啱嘅表現整體都好好！你啱啱都接唔到波啦？！有幾分都係你嘅失誤喎？！你不如都反省一下你自己啦？！」
然後佢就拉住我走咗(？！？)老實講我嗰陣時有啲嚇親hhh，因為我未見過佢咁嬲。跟住我有啲不知所措咁問佢點解咁嬲，畢竟明明係我嘅miss。可能好焦急：「我唔會由得你俾人鬧！就算真係你嘅錯，我睇唔順佢禁唔顧及你嘅感受！」唔知有心定無意，A爆咗呢句出嚟，加上佢拉住我走嘅背影，我秒fall in love (點解有人可以咁型但係又咁可愛)😳 我成個人呆咗(好7hhh)：「吓？」「啊！呃、我嘅意思係雖然最尾你唔小心失咗分，但係你之前一直嘅表現同發揮對呢場比賽好有幫助⋯⋯」唔記得係太感動定咩，我喊咗出嚟，跟住A勁慌張咁唔知點算，又露出咗好多唔同嘅表情(ahhhhh好cute)，係咁同我道歉，我當然係多謝佢㗎啦，搞到人咁感動做乜🤧
之後就如一開始所講，我哋嘅關係越嚟越好(其實可能已經俾人懷疑我係gay)，其實有啲驚影響到佢，最近一直維持住咁嘅曖昧關係，我其實有啲想告白，但係又驚佢覺得我惡心，好驚我進一步之後會失去佢，因為我而家好幸福(真心)，亦都好鍾意佢。我基本上都喺度花痴hhhh，好多謝咁多位睇到呢度，希望大家可以俾啲意見我，我應唔應該告白同要點告白🙏🏻
最後 sorr for 1999 🙌🏻