#NSS社會
[GUEST] 呢篇文可能真係會有少少偏激，但我真係忍咗年半兩年，歡迎討論。
（sorry 1999, 當初寫嗰陣係早上四點，所以文筆會好差）
兩年，整整兩年，距離自由己經足足兩年。
有人話嗰段時期係破壞，係毀滅。
但我卻睇到一位又一位烈士
用前途，用自由，用生命為代價
為我哋上咗一課
唔係佢哋，香港人點會知咩係自由，咩係民主，咩係公民責任，又點會反思我哋仲有啲咩？
對廣東話，對正體字，對香港話，對身份認同嘅重視喺嗰個短暫而神聖嘅時刻，達到二百年來嘅最高峰。
團結，友愛，正義等等嘅精神喺嗰個時刻第一次真正降臨到這土地。
兩年，過去了。
香港，又變成點呢？
學校講嘅，又變返做支語
喺功課上寫嘅簡體字，又開始多返
普信男，高富帥，白富美又一次返到黎
佢哋話：
「仲有邊個記得啫，講完兩句咪又係睇抖音開微信網戀，見到啲人寫錯字咪加口串兩句~~
算啦，THIS IS HONG KONG！」
FUCK NO
This SHOULD NOT be Hong Kong
我親愛嘅同胞啊，我請你用你當初嘅良知，當初嘅憤怒諗一諗，你真係對得住各位烈士咩？
一代人嘅sacrifice
為咗咩啊？就係為咗你同我以及我地嘅子輩啊
我係宅男冇女朋友啫
但你哋或者有機會成家立室，生兒育女
唔通，你地想佢哋每日返到屋企，日日講操你媽，玩抖音？
唔通，你真係想走，走去異國他鄉？
你哋嘅子女將不會知咩叫MK仔MK妹，佢地甚至連旺角都唔知係咩。
佢地將唔會知咩叫檸檬茶，咩叫鑊氣，咩叫維他奶，咩叫菠蘿包。
你真係想咩？
我 唔 想
我哋對住大環境，係做唔到咩
但起碼唔好用抖音微信啊
唔好講匪語，講匪詞啊
唔好飲starbucks 食元氣食太興啊
再勁啲嘅，咪戒M記囉
唔使全做，做一兩個慢慢黎啦
答應我，好嗎？
同胞們，共勉之
「奧威爾害怕的是那些強行禁書、剝奪我們信息的人，害怕的是真理被隱瞞、害怕的是我們的文化成為受制文化。在《一九八四年》中，人們受制於痛苦，簡而言之，奧威爾擔心我們憎恨的東西會毀掉我們。
赫胥黎擔心的是失去任何禁書的理由，因為再也沒有人願意讀書。人們在汪洋如海的信息中日益變得被動和自私，真理被淹沒在無聊煩瑣的世事中，我們的文化成為充滿感官刺激、欲望和無規則遊戲的庸俗文化。在《美麗新世界》中，人們由於享樂失去了自由。赫胥黎擔心的是，我們將毀於我們熱愛的東西 。」-尼爾·波茲曼《娛樂至死》
-老宅 8.31 二週年 字