想知大家點定義失敗？
我以前係一個體育校隊嘅人。
一開始都ok，表現正常。就算係友誼賽表現差、被人遙傳唔識打波，我都會好堅持，努力練波，哪怕得我一個中一仔係球場上面，暑假都冇缺席，為咗唔被人鬧，好多時練波前都會放學自己再練。
但係亦都係因為咁，我嘅壓力開始越嚟越大，過咗一年半，我開始撐唔住，因為成日被人鬧心不在焉（當然有幾次我認我係抵鬧，因為基本野做唔好）好似連隊友都唔撐我，係後面恥笑我。同教練關係又差（見到佢都想走/又冇過傾計/又冇鼓勵過我）壓力好大。
於是用一個頹廢嘅態度去面對，逃避練波，hea住上，日日負能量，雖然球技有好大進步，退之前都猶豫咗好耐，不過最終放棄咗。
不過2年後唸翻起，其實自己係入面學到好多野，包括：責任感、同理心等，都唔叫白白過呢2年。其實我又算唔算係一個失敗者呢…