#NSS個人
[Guest] 小妹今年f1升f2 係學校俾人bully 。小學同學冇唒聯絡。
唔開心嘅時候有人可以傾訴， 想打機嘅時候可以有人一齊陪你打機， 見到邊間餐廳好食可以組團飯聚， 有新戲上演嘅時候可以一齊去睇。想去嘅地方可以一齊去。
雖然我都知道唔會好似上面講咁咁開心， 咁如意。
但又唔知幾時開始自己開始越越少人搵， 同其他人嘅聯繫變得越來越薄弱， 都唔係冇試過主動搵人， 但係都係傾唔夠幾句就收皮， 有煩惱都唔知道搵邊個傾訴， 想做啲乜嘢都冇人可以一齊陪我去做。
隔幾個月都可能會有一兩次聚餐叫埋我一齊去， 個幾個鐘嘅時光都令我覺得好開心， 但係完結之後又會覺得好失落。
雖然我明白咁樣可能已經好幸福， 亦都明白有可能有比我更加寂寞嘅人，但我真係覺得好痛苦好空虛
sorry打到1999，打到一半已經忍唔住喊， 諗到而家先十幾歲， 究竟仲要咁樣落去幾耐。