#NSS個人
[hktlc] 長文慎入 sorry for 1999
小妹今年中四就讀b2a-b 女校，由細到大父母都管得好嚴，對我要求仍好高，安排好多課外活動同補習畀我，每日都要補習，星期三五六日都分別要學鋼琴、大提琴、芭蕾舞同畫畫，但我真係盡曬力都達唔到父母嘅要求一次又一次地令父母失望。我小學係傳統名校，而我成績一向好差，特別係英文，我每日都好努力背單詞，補習補到天黑，依然不及他人，受到老師不公平對待已經係家常便飯，小四更受到同學們嘅欺凌，嗰時我好討厭翻學，好無助，成日偷喊，我唔敢同父母講，唔想身邊嘅人知道我咁垃圾連自己都唔識保護，但生活依舊要繼續，就算被生活壓得喘息不過來，我也無力反抗，只能妥協，日復一日地被父母責罵、受別人白眼。到咗中學我考唔到b1，我知我令佢哋好失望，佢地好嬲，cut咗我唯二有興趣嘅畫畫班同跳舞，幫我報民安隊，我雖然有同佢哋講我唔想步操，佢哋並無理會我更鬧咗我好耐，我仍有嘗試過反抗，得到的只有百般羞辱，而每一句說話我至今仍然刻骨銘心。中二受frd影響我開始咗追kpop，無論每日幾難過，見到自己idol係舞台上發光發熱會好羨慕，佢地得到一位都會替佢哋感到開心，久而久之同frd追星成為咗我生活唯一開心嘅事，我亦會儲起零用買album ，直至上年有一日我補完習翻到屋企一切化為泡沫，我親眼睇住我母親將album 入面嘅poster撕爛，見到我即使刻鬧我掛住追星唔讀書，羞辱我嘅idol，我忍無可忍衝咗出街，我係婆婆屋企住咗幾日先翻屋企繼續畀人鬧，我漸漸發現由我開始選擇咗屈服於強權下，就算我再努力反抗，結果都只有一個，我可以做嘅只有成為佢哋口中別人家的女兒，唔令佢哋失望。最近我鋼琴7級考試爭4分先合格，佢哋一如既往地鬧我，甚至cut咗wifi，但因為無wifi影響太大所以唔夠一個星期佢哋就整翻wifi
我真係好攰，每日都好驚但我連驚啲乜都唔知，無乜食慾，我已經好努力但我依然令佢哋失望，我做唔到佢哋嘅要求，甚至有一刹那認為自己嘅存在無意義
感激admin 幫我出po 同大家睇到呢度