#NSS個人
[GUEST] ［令自己面對現實嘅方法，唔想自己再逃避］
小妹19歲。喺中學因為欺凌同學業問題導致自己精神狀況一直唔太穩定（利申無睇過精神科，所以都唔知自己個實際情況係點）
中五已經成日攞住把水果刀𠝹自己嘅手腳同肚，真係好想死。直至我某一日喺朋友口中聽到一個少女向遊戲，我就down咗嚟玩。因為劇情好有趣所以我完全將個遊戲當係自己嘅精神寄託。
即使生活上有好多唔如意嘅事，都仲捱得住，因為自己仲好想知遊戲本篇嘅故事，好期待後續。
只不過我最近覺得自己開始有啲唔受控制，好似沉迷咗咁，所以我想改變，想去面對中學嘅陰影。畢竟我自己都清楚自己係想逃避現實先搞成咁（並非話個遊戲錯，錯嘅係自己唔夠自制）
想問大家會唔會有啲咩建議係有助我去面對自己嘅陰影，我真係唔想再因為過去嘅事而墜落。人總要向前望，我唔想再原地踏步。