#NSS學校
[Guest] (麻煩admin po上ig唔該)
(長文慎入）
關於師生戀呢樣野…
作為一個過來人, 等我話俾大家聽.
係form2 嗰陣, X做咗我哋班某科嘅老師. 由於嗰陣時已經係疫情嘅原因, 改咗上online lesson. 嗰段時間我冇乜交過功課, 所以累積咗好多missing hw records. 有一日我po咗一個ig story, 咁岩比X見到(利申：佢本身都有fol我), 跟住佢就message我話：「你仲差我功課, 快啲交啦」, 我睇到佢嗰句message之後就串咗佢幾句 (不過之後都有交返份功課).
從此以後, 唔知點解我一有唔識嘅功課就會去ig問佢(真係冇原因😂), 然而佢都會逐一咁樣答覆我.
school resumption嘅第一日, 我返學搭緊車嘅途中喺小巴嗰度見到佢, 同佢對視左一眼跟著就對佢點咗一下頭. (skip skip skip…)喺學校上佢堂嗰陣, 每當我問佢關於嗰堂課堂嘅內容問題嘅時候, 佢都會照樣答返我, 但係重點係每當佢答我一句佢就會行前一步, 當佢答完我個條問題嘅時候, 佢已經差唔多企咗喺我面前咁滯(利申：我坐喺第一排)(利利申：嗰陣我仲未鐘意佢)
Ok and then 又係school suspension, 雖然果陣時同佢冇乜喺ig度傾偈, 但係我有keep住問佢關於學術上嘅問題+missing hw. 有一次, 我入Google meet果陣, 由於我要得到佢嘅approve先可以入到去, 不過佢approve完我入到去之後, 我聽到佢講：「Ai, the lazy bug came in.」, 我心諗：佢係唔係喺度內涵緊我？當然啦, 九成九佢係.
跟著我就唔知點樣鐘意咗X…
X生日嗰日, 我無意中同咗我班嘅人講當日係佢嘅生日, 由於嗰日亦都係我地學校嘅so called陸運會, 所以同我同班嘅嗰班友唱咗首生日歌俾X(我冇唱到不過我有喺旁邊睇住), 然之後X就笑笑口咁樣行咗過嚟同我講多謝(雖然我唔知道點解佢會知道係我話俾班同學知).
跟住係好好笑嘅事(嗰陣我已經對X有少少好感), 我地form要做group project, 而X係其中一個group嘅負責老師. 我同groupmates 入去電腦室做group project嗰陣, 咁啱見到X都入面, 然後我一路行一路同佢對視咗幾秒, 點解只係得幾秒？因為我同佢對對下視個頭無啦啦撞到部電視🤡跟著佢好似另埋一邊笑我…
(skip skip skip…)
時間話咁快嚟到新學期, 今年X就冇做我哋班嘅老師喇, 所以我就搵原因去同佢「相遇」, 有功話唔明就會去staff room問佢, 借啲意話唔記得帶cal機跟住去問佢借, 佢落堂嗰陣扮搵隔離班嘅朋友傾偈但其實係去睇佢….etc
有一次我考試嗰陣塗改帶用晒, 我本身想去搵X借但我驚咁樣會過分得滯, 所以我搵咗其他我熟嘅老師, 但佢哋個個都話冇, 唔知係咪我講野太大聲, 正當我打算走嗰陣, X出咗嚟問我係咪需要塗改帶並俾咗個塗改帶我, 嗰陣我真係超開心🥹
仲有一次, 我放學行樓梯落去離開學校嗰陣見到X同我師妹喺度吹水, 佢好似見到我, and then佢就另轉左個身, 挨咗落欄杆嗰度, 向住我微笑. 咁當然啦, 嗰陣時咁多同學喺我隔離, 唔通我仲行過去同佢say goodbye 咩.
一直以嚟, 我哋冇好明確咁同對方表示自己心意, 因為我同佢應該都知道如果被學校發現有師生戀, 老師或同學其中一個就要被踢出校. (利申：我而家已經冇鍾意X)
其實, 大家心甘情願咪係埋一齊囉, 使乜理人哋世俗嘅目光呢？
最後, 如果呢度有人知道我係邊個, 唔該唔好tag我出嚟.
(Sorry for 1999)