#NSS社會
[GUEST] 認真呢咩叫尊重但係唔支持？支持唔等於你就要話「我真係好支持你啊！」或者係「你真係好叻！」咁樣嘅話囉。而係被人肯定我哋都只不過係一個正常人，而唔係俾人話「乜你係Gay 㗎？」、「你係bi 㗎？」用啲好驚訝嘅表情講啲類似嘅嘢。因為歷史已經有太多人因為係lgbtq+唔俾人肯定、俾人歧視。所以我哋真係覺得尊重但係唔支持係有啲offensive。（呢個係我自己嘅諗法，你都可以唔react)
換做我自己嘅例子。我係女、雙性戀、pronouns: they/them。我同咗我所有識嘅人出咗櫃，但係仲未向我阿媽出櫃，因為我媽咪就係屬於呢啲尊重但係唔支持嘅人。佢平時就係同我講同性戀同正常人冇乜分別，但係佢又唔贊同我有機會成為同性戀。當佢同我講「但係你呢千其唔好係同性戀阿吓！」嘅時候，我真係有啲心酸。
對應返點解要label自己，我相信大部分lgbtq+都唔想要label自己。我哋自己梗係了解自己，呢個最主要嘅原因係為咗方便異性戀都明白/認識我哋。咁你哋就唔會每次都覺得「同性戀就係tb/娘」、「雙性戀一定可以接受3p」、甚至係「佢化妝，一定係同性戀啦/佢好gay/娘阿！」弱勢群體就係想你唔好有刻板印象。就算佢係中哂啲刻板印象，都唔等於佢就係gay/bi/trans,etc. 第二個主要原因係俾啲人有一個歸屬。就算你身邊所有人都唔支持你，起碼你仲有一班人支持你嘅性取向同埋性別認同。當你唔知你係啲咩嘅時候，你可以問。
當然啦，你係冇義務去支持、甚至係有權利去唔支持/討厭。所以如果你係覺得lgbtq+係應該存在而且應該受到尊重，但係你又唔支持你身邊嘅人係lgbtq+嘅話呢，你可能可以試吓改變一下你啲睇法、換位思考。
我希望有一日香港人知道咗身邊嘅人係LGBTQIA’s 可以平淡咁講「Ok, 你去鍾意你鍾意嘅人啦、去做你自己想做嘅嘢。」