#NSS愛情
[chilwell School (in UK)] 第一次投稿，文筆太差唔好意思，
小弟最近移民咗係英國讀中學，咁因為我係插班生啦，
唔係識好多人，咁我就搵番啲香港人一齊玩，
識咗幾個女仔，其中有一個，我一開始好憎佢，
因為我習慣gel頭出街，我每次返學佢都會係咁整亂我個頭，
好黑人憎，嗰次就係因為咁樣差啲搞到絕交。
但係過咗大概一個月後，
同佢開始frd咗，都親近咗好多，
我發現其實佢好有魅力，大家都有好多曖昧動作，
例如摸下大家個頭，肢體接觸，又會約出嚟玩，
喺學校佢都會成日黐埋嚟我度，
我有少少少少感覺佢係鍾意我嘅。
但係始終唔係識咗好耐，我又唔確定我係咪真係鍾意佢，所以諗住了解多陣先。
過咗大概兩個月之後，我確定我真係鍾意咗佢，佢同我真係好啱key，我哋兩個人嘅笑話淨係我哋會笑，有陣時上堂又唔知點解好鍾意成日望住我。
但係可能係因為時間嘅關係，佢對我冷淡咗好多。
嗰啲親密動作再冇發生過，同佢傾少咗好多計，甚至食飯嗰陣都唔想坐隔離，又或者係成日話我樣衰，雖然我知佢都係講笑，但係講真有啲hurt。
可能就係因為時間嘅關係，令佢感覺到我只係當佢普通朋友，
又或者可能佢一直以嚟，都係當我係普通朋友。
之前見到佢同其他男仔傾計，我開始急躁，
好想快啲表白，令佢知道我唔係當佢普通嘅朋友，
但係我好驚我表白完之後發現自己係自作多情，
因為佢本身都算係個幾開放嘅人，
可能佢對所有人都係咁曖昧，
我都唔想表完白失去咗個咁啱key嘅friend，
但係佢話佢有機會就返會香港，
我好驚佢返咗香港，我就失去咗一個表白嘅機會，
我好驚錯過咗佢，我唔知佢幾時表白好，
定抑話大家都係做返friend，
我feel到佢可能已經有鍾意嘅人，
所以我係咪應該唔好打擾人，
無謂表白完輸咗段友情？
究竟我應該點做好呢？
Sorry for 1999.