#NSS學業
[香城中學] 小妹今年中四，其中一科選修科係ICT Programming，我覺得自己太蠢，想請教一下有讀ICT嘅各位師兄師姐一啲問題。
老師喺考試出份卷比較貼近DSE嘅題型，我到而家考咗2次ICT，份卷滿分係100分，而我嘅成績2次都喺合格邊緣。
今次考試我前面MC題目啱咗8成（唔係撞），同考最高分個位喺MC嗰部份同分，所以我覺得我都算了解呢科最起碼嘅概念。
但後面嘅長題目60分滿分我得10幾分，我覺得我唔太跟得上啲題目。
雖然我睇得明題目問緊咩，但我完全唔知條題目想我答啲咩。
聽完老師解釋，去睇Past paper點答反而令我更加一頭霧水。
喺coding方面我冇乜特別問題，但就算題目出咗我寫過嘅program，一放入試卷題目我就會唔明佢想我做啲咩、答啲咩。
我覺得有可能係因為我本身數底非常差，思維邏輯方面都比較弱。
我一日有比較長嘅時間係用緊電腦，雖然了解唔深入但都唔算電腦白痴。
我上堂通常都有聽書，亦有花時間去溫書。
相比起同樣讀ICT嘅人，佢哋有好多都唔太溫ICT，但有唔錯嘅成績。
雖然成日聽人講（包括老師）呢科Hea讀都可以拎到4，最緊要係有興趣。
我對呢科的確有興趣，但我覺得以我嘅能力就算係認真咁讀都未必拎到3，所以我想知道我要點提升我嘅能力去讀好呢科。
同時想請問我係因為咩原因而喺考試出咗問題，應該點樣改善？
如果我係因為數底差、思維邏輯弱而喺考試衰咗嘅話我又應該點改善呢？
因為呢科我冇辦法Drop，所以就算我可能唔太適合讀呢科，我都希望我可以盡力去改善我而家嘅情況。請你哋比啲提議幫吓我🙏🙏
多謝你花咁多時間睇完呢篇文章，祝睇到呢度嘅你會有愉快嘅一日☺️☺️☺️
Sor for 1999