#NSS家庭
[[GUEST]] 我覺得我有啲頂唔順。(放負警告)
(唔好意思，第一次投稿，可能會1999，長文慎入。)
先介紹下自己嘅背景：
本人今年F.4，屋企嘅經濟情況完全唔掂，頭家試過因為錢嘅問題而差啲散。
我屋企嘅情況令到我好撚崩潰，老豆老母日日為錢而嗌交、老母好唔生性，日日偷錢去賭，搞到成身債，要還三百萬比人、阿哥為咗逃避呢頭家，同佢條女一齊住，兩年冇返過嚟。
我好想返PT，但係老豆反對不但只，仲話我作為學生，應該專心讀書，仲不斷同我講捱多幾個月就會冇事。但係佢已經講同一句嘢講咗三年，完全冇好過，反而越嚟越衰。
上個月，老母問我借1000蚊。我冇比佢係因為我已經將我所有錢比咗老豆去幫老母還錢同埋佢肯定會去賭。老母開始話我人渣、垃圾、冇閪用。我冇反駁，因為我的確係一個廢柴，係呢頭家嘅累贅，完全幫唔到手。
唔知老母鬧咗幾耐，我開始好大力咁用頭撞牆，重複咗好多次。隱隱約約聽到佢講再大力啲，死撚咗去。之後我暈咗，醒返之後我人喺醫院。嗰一刻我好撚想死，明知屋企冇錢，點解我仲要增加經濟負擔，索性死咗去仲好。
我老豆趕到醫院見到我搞成咁，佢沉默咗一陣，等冇咩人喺病房之後，佢喊咗。老豆一直重複佢已經頂唔順，好想死。其實我都好想去死，我都頂唔順，點解我可以咁撚冇用，點解我仲在生？老豆喊完之後，佢又同我講捱多幾個月就會冇事，叫我唔好擔心。可唔可以唔好再講呢句，我真係好撚好撚
好撚好撚憎呢一句。
有冇人可以救下我？唔想再繼續落去。
可唔可以聽我呻下？