#NSS家庭
[guest ] 話說一年前嘅我喺一個唔識感恩屋企人（或者身邊為我付出的嘅人）嘅人，甚至想一成年就即刻搬出去住。但呢排我患左抑鬱症，好多野發生左，同時亦都令我明白左我屋企人嘅重要性。朋友可以絕交，男/女朋友可以分手，但屋企人喺唯一一啲無論發生咩事都唔會離開你嘅人。
咁問題來了，我呢排成日係到諗，即使我幾鐘意佢地，我大個左之後都要成家立室、同伴侶同居咁（sor諗得有啲長遠）好似點都要同佢地分開，但我真係好愛好愛佢地，想像唔到冇佢地嘅生活，而且唔係個個人都接受到同另一半嘅父母同居。但我又唔可以成生人都同佢地住㗎。。。唉
btw我以前係個啲好想拍拖、好羨慕人拍拖嘅人，但依家已經冇左個種慾望，整係好想同屋企人相處😪
最後想係到呼籲咁多位，記住要對身邊對你好嘅人好啲啊，特別係屋企人，珍惜多啲同佢地相處嘅時間，因為大個左可能已經冇乜機會比妳咁做架啦。
多謝你睇到黎依到❤️