#NSS學業
[Guest] 小妹第一次投稿🙏用詞不當請見諒
#我都唔知呢篇算唔算長文
小妹今年升F4，要選科，想知各位對中國文學有咩睇法？
Band one 英文中學，身邊每個同學好似點都要執一科理科，奈何小妹理科一係炒，一係就炒嘅邊緣，完全踢晒腳，連排名都冇😢反而文科都叫唔錯，上學期班入邊中英文都攞咗個頭五🥸商科我哋初中就未有得讀，但睇過舊卷，感覺上都係我杯茶👀
目前想揀嘅係中國文學同埋經濟，仲有一科考慮緊，父母好明白同支持我，唔一定要我揀理科，我都好感恩👌咁點解我仲會掙扎呢？
第一，我哋學校如果讀中國文學，就一定要去其中一班=最渣嗰班⋯⋯由於少人自願揀嘅關係，通常成績差嘅人就會碌晒入去，變咗一班入邊真正想讀嘅人唔多，可能10個都冇，識嘅朋友入面，想讀嘅更加係一個都冇😅個學習氣氛亦都好差（From師兄師姐）
第二，亦都係最關心嘅嘢，雖然話腹有詩書氣自華，成件事好似好有修養，但係感覺上都係冇其他科咁實際，要攞分都唔係話咁易🥲
一開始我覺得有心讀咪OK囉，但始終我未有咁多社會經驗，一個個同學又勸我諗清楚，話我個成績讀文學好似浪費咗（當然佢哋可能唔知道我科有幾廢），中國文學好似又真係冇乜出路：原本我有諗過做老師，但係依家做老師好似行鋼線（明嘅就明😀）
第三，中國文學個感覺好似冇標準答案？（求過來人解答😵💫）成件事好主觀，例如作文，中國文學個感覺好似天馬行空啲，但係立意又要夠深，內容唔夠，可能文筆可以救下嘅😀
但老實講，我哋十幾歲人，點夠marker經驗多，點睇我哋篇野都唔夠人勁🤒
第四，文人係社會地位好似越嚟越低，個個都做咩醫生啊，科學家嗰啲理科嘢😄
中國文學喎，完完全全嘅文科，望吓現今社會，那麼多的社畜，跟着社會巨輪轉，邊度仲講咁多文人嗰啲咩骨氣啊？我都唔想承認，但係我哋啲同學，包括我自己，邊個唔係跟住政府個教育制度行？呢個時候應該繼續興趣行先，定係放棄中國文學呢？
可能聽完我咁講，係評論區會有好多「閱」😀 我自己一路都覺得只要我對中國文學嘅興趣夠大，我自己就會有心機讀落去，上學期開學個信心好大㗎！🙄 但係睇返各種因素，加上同學各方面嘅質疑，同輩之間冇乜人讀，令我真係好擔心😟
又想揀但係又驚😅
#女人就係咁多變咁麻煩
希望留言多啲支持啦👉👈
諗咗好耐投唔投稿㗎！😣
同父母傾，佢哋就會話支持我做任何決定 😅
同同學傾，就會話「想揀咩咪揀咩囉」🙂
同熟嘅朋友傾，就變咗sell我揀佢哋嗰科 😐
希望各位明白啦☹️好驚俾人插👀
Sorry for 1999