#NSS學業
[Guest] 可唔可以做一陣樹窿呀……
小弟第一次投稿，有錯diu得細力啲🙏
小弟今年中三，啱啱開學嗰陣時Zoom嚟Zoom去都算應付到，懵懵下就考完第一個試，成績當然係中間浮下浮下，唔算太好亦都唔算太差。
但係去到下學期嘅時候，成件事係完全唔同晒，每一科都多咗好多嘢要背，而Bio更加令我對佢完全絕望；舉個例子，bio每一種器官或者血管又或者細胞就已經有十幾隻名要記，一個完整嘅器官已經要背幾十樣嘢。
可能你會話：背己經係最簡單嘅嘢，咁都做唔到嘅話係你自己問題姐；又或者：成績差就成績差啦扮乜嘢；但係個問題在於，我係有成11科要考，如果每科都比一次test，咁即係代表我有11個test ，仲要每一科test嘅日期都唔會相差太遠，唔會見到一個喺月頭，另一個係月尾test咁美好嘅嘢。
另外我覺得最難頂嘅一樣嘢就係用平均分選科，而唔係用嗰一科本身嘅排名選，呢樣嘢亦都代表着我冇可能放棄一科hea 讀又或者索性唔讀。另外啦，自己本身對自己都有返少少要求，而其實每個老師都好好人，我又唔想辜負佢哋，再者我屋企人又有少少爭執，呢排心情真係麻麻⋯⋯
最後想問下有咩方法可以紓緩或者解決呢種情況？
多謝睇到呢到🙌🏻