#NSS學業
[CCSC] Re : #nss210409u2
Hello 樓主, 我諗我知你係邊個。我一直都有關注NSS，但因為入面有粗口嘅關係，費事阿媽發現，先冇follow（大家勿鬧🙇🏻♀️）
不過入返正題，如果我冇估錯，你應該叫陳xx，英文名Pxxxx。但我唔肯定我有冇估錯，所以都猶疑咗好耐好冇投稿。不過我見你呢排越嚟越大壓力，所以我都唔理我啱唔啱。不過當我啱先啦，我係一個同你同級嘅人，但希望你唔好花時間查我係邊個，我只係想喺到俾啲意見你。
1. 你差唔多兩三點先瞓，四五又起身溫過。其實咁樣真係好傷身㗎，我明你好想溫書，但唔瞓覺反而會搞到你入唔到腦，只會有適得其反嘅效果。我建議你最晏十二點好瞓啦，最多聽朝六至七點再起身溫過。你可能會問，咁咪冇時間溫書囉？其實只要上堂專心啲，落堂之後消化一次老師講嘅嘢，唔明就去問，然後得閒嘅時候就要整吓notes，考試/測驗前就再溫多次書，背吓points咁，記住千祈唔好臨考先嚟整notes，嘥嘥啲時間，冇時間背嘢，搞到自己壓力爆煲。如果你驚背唔切/溫唔切，就可能搵幾日晏少少瞓，但呢樣嘢唔可以long term。如果持續落去你諗吓去到DSE你會點？你會勁大黑眼圈，考試就完全load唔到，個腦塞晒咁，你作為一個重視成績嘅人，都唔想自己咁嘅。
2. 你話你屋企人對你好好，搞到你好大壓力。其實講真，你已經好好彩。好多呀爸呀媽都逼都佢哋仔女好緊，又補習又承。你冇遇過呢啲嘢，其實真係好幸福。但問題嚟啦，你話咁樣搞到你好大壓力，可能因為你屋企人唔會chur你。我建議你可以叫你呀媽適當時候push吓你，但首先你要知道你呀媽唔逼你都係想你開心。你想盡本份，我明，但只要你有盡力，就盡咗架啦。但記住盡力唔係指背晒成本書，一啲錯都無，而係指你明concept，就算你背晒都好，唔會100%同份卷一樣，但你會覺得你好努力，所以最後又搞到自己精神崩潰。唔好見到份卷嘅成績唔滿意就責怪自己，連你父母都唔責怪你，你有咩資格？如果你過唔到自己嗰關，就惟有改變心態，唔好將每樣嘢嘅價值放大再放大。
3. 唔好再自殘啦！真心唔好再自殘，咩原因都好。如果喊都冇用，試下搵啲嘢發洩或者信得過嘅搵朋友傾偈，唔好再做戲，做雙面人。自殘只會令你嘅身體有更多疤痕，你大個一定會後悔。如果你唔想share你嘅事，就搵本簿寫低，寫完你會覺得舒服咗。如果你覺得寫字嘥時間，試下落公園錄低佢，講晒心入面嘅嘢出嚟，唔好鬱住鬱住。雖然呢排同你傾偈唔多覺有疤痕，可能好返？但千祈唔好自殘啦，有咩唔開心大家拎出嚟講，唔好傷害自己。
最後，我想同你講一句加油，唔好再搞到自己咁大壓力。你亦唔需要去搵出我係邊個，你可以當我係你生命入面嘅路人甲，但你要知道你身邊係有人支持你，有人同你行呢條路。如果你知我係邊個，可以ig dm 我，我可以做你樹窿。