#NSS學校
[GUEST] 唔該晒admin🙏🏻以下可能有啲長，多謝大家有耐心睇🙏🏻
小妹今年中三，大家都知道呢個時候所有Test、UT、Exam等等都好緊要因為要揀科。咁啱啱就係parents day完左，成績表都排埋。問題唔係係我度，係係我個朋友度（下稱B)
/
講下關於B嘅野先，佢讀普通班，成績唔好，日日上8個鐘zoom有6個鐘都會打機，溫書都好少。
好喇，parents day之後B嘅爸爸媽媽見到B嘅成績之後就好嬲，因為好多都唔合格啦。所以就有「地獄式嘅訓練」
/
B每日個schedule就係：
4:30-7:30 溫書 食完飯繼續溫書 之後要等佢爸爸話得先可以打機 打到一點就要停
之後B第一日就不斷同我講佢好辛苦，好攰，好想死。我就話：「雖然我唔可以做啲咩同埋我又唔太識安慰人，但你有咩唔識或者有咩煩惱都問我傾。雖然呢個schedule對你黎講係大壓力左啲，但我相信佢地都係為你好。如果你覺得有問題嘅，就要同屋企人傾⋯」呢啲說話啦。咁我講講下，B突然話：「我唔打機㗎啦，唔使搵我。你由得我自己一個啦，唔阻你」
唔知係我個人問題定係咩，但係我果一下真係炆左。我覺得我真心同你傾、嘗試分擔下你嘅壓力，但係你咁樣講好似嫌我煩，唔想我講落去。咁我就真係冇再講落去，畢竟我唔知道B依家呢個狀況係需要私人空間定點。但佢又突然講：「睇黎我真係煩住你，我之前諗嘅嘢係冇錯。」 我真係有個問號係個頭度🤦🏻♀️ 我當時嘅解讀就係佢想有人陪佢，所以我就話：「唔煩唔煩我阻唔阻。你想講嘅就講，我係度。」B：「算啦冇嘢啦」我：「真係唔煩，我都唔想你自己屈住屈住。」B：「算啦我又冇嘢要講。」
我就更加多個問號，所以想問下大家，我可以點做？😥🙏🏻
sorry for 1999
文筆可能唔太好sorry😥
多謝大家曬左時間睇我篇文🙏🏻