#NSS個人
[Guest] 呢篇嘢無咩重點，純粹係想講同寫下自己啲嘢
最近同班friend嗌交，如果係因為一啲普通嘅原因而反面其實都無咩好大嘅問題(啫係平時嗌交通常都係兩邊都有錯)，但係今次我覺得完全係我嘅責任。
喺上個月中-尾嘅時候，我地已經嗌過一次交，嗰次係因為佢地成日一起打機或者齋傾計嘅時候都無叫我，我覺得佢地好似遺忘咗我咁樣，所以就同佢地反咗面。後來我同佢地其中一個人傾咗一傾，然後就好快同佢地和好如初。
到咗今次，佢地又再次咁對我，成兩個禮拜都無搵過我。我有好多時候都覺得如果唔係我自己搵佢地，佢地可能都無咗我呢個人。
我開始唔再主動搵佢地，我開始會覺得佢地好煩，佢地Tag對方嘅Message就係好似喺度同我講梗 “點啊？我地宜家就係唔gur你，你吹咩？”。
即使我清楚明白呢個諗法並唔正確，但係我都係停唔到咁諗。
直到佢地其中一個人同我講咗點解佢(個group裡面其中一個人，亦都係成日撩人傾計嘅人)唔嚟搵我。
個原因明明只需要啲溝通就能解決嘅事，但係就比我搞度一鑊熟。
我好自責，但係又同時覺得無所謂，嗰個係佢嘅問題，唔係我。
因為最常搵人傾計嘅人唔嚟搵我，就導致我喺個group裡面慢慢，慢慢咁失去歸屬感，到最後就連group到退埋，咩frd都無晒。
我初初覺得我自己一個都可以好盡興，但係我發現我錯啦。
我會無啦啦諗起我地嗌交嘅原因，然後開始將所有嘢都怪晒落自己度。
覺得自己消失咗，雖然我仲係好想同佢地繼續frd落去，但係佢地就唔洗煩要點氹返我，幾個人玩都無咩問題。
但係同時又覺得係佢地嘅問題，我走係因為我唔再鍾意佢地，唔想再理佢地。
我好矛盾，我知。
呢個情況就好似有兩個人，一個話要走，一個話要留咁樣。一直喺度嘈嚟嘈去，嘈到我好煩，嘈到我好想一嘢跳落街咁。
我依然喺度幫自己搵梗出路……不過我啲思/情緒變化都幾大，可能呢篇嘢出嚟嘅時候我已經諗好晒啲嘢。
我feel到我好似寫漏嘢咁，但係我唔知我仲有啲咩未寫。But anyway, 如果你睇到嚟呢度嘅話，我就送個星空比你啦
⠀⠀⠀⠀⠀* ⠀⠀⠀. . ⠀⠀⠀⠀⠀⠀⠀⠀⠀⠀⠀⠀✦⠀⠀⠀ ⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀ ⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀☄️ ⠀ ⠀⠀⠀⠀⠀⠀. . ﾟ . . ✦ , .
⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀
圖Link: https://images.app.goo.gl/XYTPqK6UXDeBNKdX8