#NSS個人
[GUEST] 求求admin po ig🙇♀️thxx！
小妹係遊戲入面識咗個男仔，我發現自己對佢好上心。大概兩個禮拜前我喺game入面加咗個男仔嘅好友（詳細原因就唔多講啦），自此之後佢成日會夜晚搵我打機，一開頭都冇乜嘢，但係後來我發現我好似越嚟越期待佢搵我打機，就算係返學個腦都成日情不自禁咁諗住佢，後來我開始在意佢對我嘅諗法，我嘅言行舉止喺佢面前都表現得好小心，因為我好驚我講錯嘢佢會嬲。同佢經歷過嘅開心事我都記得好清楚，每次一諗起嗰啲事，我都會自己偷偷喺度笑，我從來冇試過咁開心。呢啲係咪叫陷入愛河？定係純粹我自己自作多情呢？因為佢打機真係好勁，我多多少少都有啲仰慕佢，或者其實呢啲只係係傾慕之心？講真我對愛情唔係幾成熟，求求愛情大師幫幫手分析🙏
sor for 1999