#NSS家庭
[女子監獄] 我壓力真係好大，我唔知點算好。(長文慎入)
–
是咁的，小妹今年F.1，讀緊一間Band1A/B嘅中學。我自問喺以前小學成績中上(未跌出過7名以外)，就算因為疫情冇得返學，我都覺得我應付到。升上中學後入咗A班，其他人全部都好勁，我一下子就同佢哋拉開咗距離，我覺得自己好失敗，一下子由頭10名跌到去差唔多尾10名。加上疫情，要上網課，但係我完全專心唔到。就算我將所有會影響我嘅嘢擺埋一邊，我都會訓著覺(某程度上差過上堂睇手機)
–
我本身脾氣唔係咁好，對著朋友一個樣，家人一個樣，老師一個樣。共通點係佢哋永遠唔會見到我傷心個樣。對著朋友，我係活潑多嘢講，樂於分享嘅；對著老師，我嘗試keep著一個乖乖女形象，同屋企人相處得好好咁款；對著家人，我總係忍唔著脾氣。我老母好鍾意控制人，呢樣唔合佢意就黑面，話我點點點；我老豆成日幫我老母講嘢，仲要有個妹同工人火上添油。舉個例子：我老母搵隻拖鞋打我，扯我頭髮，我老豆又話咩你阿媽打你佢隻手好痛…我真係完全唔明。有一次鬧完交，我入咗廁所，刮自己塊面，我覺得心情順咗好多。當然，我知道咁樣解決唔到問題，所以一兩次之後就冇再做過。我脾氣會爆係因為佢哋成日管呢樣管嗰樣，又話我識埋啲豬朋狗友，仲話我係垃圾冇得救，白痴都好過我。比佢哋話完，我真係覺得我自己就係廢物，只係剩返朋友同我傾訴。
–
琴日，我無意中見到我老豆老母啲對話，知道咗佢哋已經打咗比我班主任，有兩個，下稱Miss C同Miss A。Miss C係我中文老師，有一次我UT低過平均分，我好唔開心，佢安慰我，同我講其實同其他班比我已經做得還算可以，又話:我同你媽媽講過電話，知道你同你家人關係唔係咁好，唔想呢件事令你哋關係更加惡化，容許你唔寫平均分上份卷到。呢次係我第一次知道我父母有同老師講屋企發生嘅嘢。第二次就係琴日，我知道咗我老豆有打過比Miss A，雖然唔清楚內容係乜，不過唔方好嘢。我一下子崩潰，我唔知我崩潰嘅重要原因係咩，但係我好清楚，我乖乖女嘅形象已經冇咗。
–
我知道一個F.1人仔喺到講呢啲非常咁on9，但係我真係好想快啲大個，搵到份pt，搬出去住。我唔想喺做乜之前都要問過佢，買杯珍珠奶茶又要問，買份燒賣又要問，仲要每個月一蚊零用錢都冇(分分鐘仲要比返轉頭) 。我啲frd屋企相處得好好，我嘗試用佢哋相處嘅方法去同我父母相處，得返嚟嘅係話我冇禮貌，態度唔好。講真，我個心真係好累，又要唸辦法令自己成績好返，喺屋企又要比你日講夜講。究竟你哋想我點啊，我盡力去滿足你哋嘅要求(雖然我知我永遠達唔到你哋嘅要求)，我都唔想日日個屋企鬧交，我都想靜下啊。
–
希望各位比啲方法我，令我可以收補(?)同家人嘅關係。
Sorry for 1999