#NSS家庭
[GUEST] 大家好，小妹今年f3升f4🙏
講番個背景先，我有一個異父異母嘅‘阿哥’，其實我都唔知點解會有個咁嘅阿哥，但係由我出世開始，我就同我‘阿哥’&佢阿爸（我目前都照叫佢爹地）一齊住，但係由我f2開始，每個禮拜有5日都係分開住（唔講詳細原因啦）。
尋晚我阿媽搵我講嘢，佢話我阿哥日日都宅喺屋企打機，佢中學留左兩年班，讀左兩年ive先入到大學，所以佢依家都已經25歲，但係佢呢個年紀就已經開始肝硬化同有脂肪肝，主要原因都係佢好少飲水、成日食熱氣嘢同唔做運動。然後因為暑假，所以我同佢一齊住嘅時間多左，我見佢日日都喺屋企唔翻工。有陣時阿爸阿媽翻工，我地會買外賣，但係次次都係我去買，我唔想食嘢佢都會叫我幫佢買，我say no佢就係度撒嬌（講真好L憎呢種行為😅），有時我要用自己錢去買餸，但係始終都會用完㗎嘛，所以我同阿爸反映左，但係佢話叫我阿哥返工幫補家用。
其實我地屋企已經勸左佢去翻工好多次，但係都唔成功，而我同我阿媽其實同我阿哥冇血緣關係，所以佢都唔想理（呢個係其中一個分開住嘅原因），但係我阿爸又係嗰啲好愛仔嘅人，可能係因為佢得呢粒仔，而佢嘅兄弟都冇生仔，所以佢成日都係講一講鬧一鬧就完，所以到依家我阿哥嘅問題依然冇解決。
其實有冇啲咩方法可以勸佢去翻工，我有諗過直接講，但係又唔知點講出口，感覺好似係度教仔咁。其實我冇義務去幫佢規劃未來人生/養佢㗎喎，始終都冇血緣關係，但係佢唔翻工到最後都係要麻煩到我，因為阿爸阿媽始終都會退休，佢又冇帶過女朋友（or男朋友咩都好）翻屋企，佢一直咁樣咁我大個咪輪到我養佢？
不過有一次我借佢部電話黎用，咁啱好佢比我嗰陣時顯示佢同一個網友嘅聊天記錄，從言語之間可以感覺到係網戀，但係對方好似係大陸人黎（佢哋用微信），最近好似就冇左一回事，應該係炒左，我唔係歧視網戀同大陸人，但係咁樣係咪真係冇得救🤦♀️有冇人可以幫幫我？tysm❤️
sor for 1999