#NSS個人
[Guest >:3] 小弟今年F.3，自己係gay，不過好少同人提起。近排befriend左個男同學 ，一開始都幾正常 ，但係一排之後就有啲奇怪 ，佢成日都揾我、炸我機，無啦啦就有左每日同我講morning, gn嘅習慣，我當佢friendly啲咁冇乜留意。
/
跟著再一段時間過左之後，佢嘅行為就開始更加怪異，記得曬啲關於我嘅野。(有啲連我都唔記得或者冇同佢講過嘅野)每次放學都要我等埋佢，佢又開始將我同我本身有嘅frd group分隔開，成日煩住我，唔俾我同佢地一齊放學，只係可以跟佢行。唔同佢行嘅話又guilt trip我話自己會勁sad，會喊。但係同佢行嘅時候又係都要捉住我隻手，搞到我都好唔自在。我都有試過反抗，無視佢嘅要求咁，但係自己個底勁軟，成日都俾佢overtake翻。
/
佢亦都成日要求我對佢嘅注意力要好似佢對我嘅注意力一樣咁。要keep住曬佢俾我嘅野，dum左，唔見左佢又會喊。24/7都要留意住佢咁，完全超越普通朋友應該有嘅程度。
/
近日同佢出街，一路行佢就不停靠埋黎，不停痴埋我到，搭車又唔捉扶手，係都要捉住我隻手。就算一般認為普通啲嘅搭膊頭都特登將我攬埋啲，搞到我勁唔舒服。佢又成日同其他人私底下咁講我，俾我嘅感覺就好似係到manipulate緊我咁。我同我本身嘅frd group講，佢地又話我同佢襯，快啲拍拖，就將個topic推走左。
/
我覺得唔係咁對路之後都開始冇咁積極咁同佢交流，但係佢又成日話佢有情緒病，我唔理佢嘅話，佢可能會自殺，我就即使唔舒服都繼續同佢講野。
/
而家我成日都覺得對手好污糟咁，即使翻到屋企都好唔舒服。究竟係我太sensitive定係佢行為真係有問題？？
(我中文好廢，有睇到頭痛嘅對唔住)