#NSS學校
[某一間女校] 唔明點解而家啲老師咁唔make sense 同埋冇責任心
PS：
1. 篇文每個老師都係唔一樣，每個老師都係教唔同科目。
2. 長，文注意，拜託睇晒，唔該！🙏🏻🙇🏻♀️
一.
我會用A and B 當功課嘅名
今日老師就叫我地帶 A 返嚟學校。本身就話做完A先再算。之後因為我做完A（之前已經叫我哋做但有啲同學仲未做）我就問佢做啲咩，之後佢就話我唔聽書，明明係你同我哋講做完A先算，你冇同我哋講做完A之後要做啲咩，之後再鬧我，我覺得好委屈，明明佢冇同我哋講做完A之後要做B，就話自己講咗，係咪好唔make sense呢?
二.
C 為老師；D為功課
琴日，C就叫我地帶晒啲嘢返嚟，之後我就帶晒全部野返學校，又話要check file ，佢呢就講清唔楚，就齋講要擺啲咩入個file，我覺得佢都至少寫返係個黑板度或者打個word出嚟，但係冇喎。佢講嘅時候，先發覺我唔見咗D，我就同佢講，佢就嘆氣喺度啊，「幫唔到你喎」仲返個白眼俾我睇。呢個老師喺學校
嘅 reputation 已經好差啦，佢已經唔知點解成日都針對我，我又冇做錯任何野。我開始頂唔順啦，我而家淨係想喺佢面前鬧爆同埋同佢講佢又幾💩。再加上幾個月前有測驗，因為有啲筆記入邊有書要考嘅嘢，但係筆記就唔使考。我一個禮拜前已經send咗email同老師講，一個禮拜後，測驗日朝頭早仲未覆。好彩唔使考，如果要考呢咁即係唔關我事囉。明明問咗你，你就唔復人。呢啲叫有責任心咩？
三.
E 為老師
前幾日，E 就教新野，嗰日，仲要有啲小測驗。一入到黎課室就叫我哋快啲做嘢。平時上網課或者返學嘅時候，一日都只係教兩頁紙。仲比好多功課我哋做，有啲仲未教添。因為嗰日就教新野要畫圖。E就畫俾我哋睇。我睇得好清楚。見到佢張嗰啲數字擺喺左邊，而我就擺喺右邊。我以為咁樣都OK因為都係差唔多，又唔會阻住個圖，擺左邊或者右邊都係一樣。之後佢就嚟check我哋做緊啲咩因為我就寫咗右邊。就即刻話我錯，佢話我錯我唔緊要我咪改囉。佢就仲打我，打我隻手。嗰日，本身放1點半，但係已經提前同我哋講會遲半個鐘。已經預咗啦，次次上佢嘅堂都會遲放學，但係就遲多半個鐘。足足遲左一個鐘放學。我嗰陣時開始有啲唔舒服我朝頭早食咗個好大嘅早餐，但係2點半啦，都未放學。佢成日都話我哋做嘢慢。問題係佢都做嘢慢。平時上堂都遲10分鐘到。講清楚先，而家係你遲呀定我哋遲呀？
總括來講，我完全唔明點解而家啲老師會咁唔make sense。明明自己係講得唔好，就blame我哋全部野。我希望每個老師都負返啲責任心，認真幫學生解答問題，唔好當無左一回事。