#NSS學校
[GUEST] 我係咪有情緒病？
話說之前我班“bff”就對我做咗好過份嘅事，雖然已經絕咗交兼過咗半年至一年，但係呢啲嘢好似令到我有陰影咁，都係會因為咁而好唔開心。
返學嗰陣最嚴重，因為做得最離譜嗰個就同我同一班，每次見到佢就會諗起嗰陣嘅事，搞到自己所有課堂都會冇晒心情，全部時間都係喺度諗緊嗰陣佢哋做過啲咩，成日個心入面好似抑鬱咁，特別係見到佢同其他人有講有笑嗰陣，我就會就嚟崩潰，但係外表又要扮冇事，繼續做到好似自己平時咁開心。
次次見到佢仲係風流快活咁，但係就得我自己為佢所做嘅事而痛苦，就令我更加憎恨，好想去報復咁，但係又唔知點做，又怕自己同其他人講，反而會畀人笑返轉頭，或者根本冇人理我，繼續同佢friend。
而家我只要一有少少唔如意嘅事，就會連帶埋呢件事甚至更多唔關事嘅嘢，明明係一件小事，我都會多疑到延伸出好多自己想像嘅嘢而搞到成日想喊，但我之前係唔會咁，好多時候都會想結束自己嘅生命，但係又唔夠膽，呢啲情緒搞到我日日都好攰，大部分時間都會諗住呢啲事，咩都冇興趣，連玩都冇心情玩。
但係佢哋好似認為我已經冇事，或者唔會有咁大反應，同我道歉都只想靠whatsapp了事，甚至係要我哋互相道歉，我覺得自己好似唔係太接受到，因為既然我哋日日都會見面，咁點解唔係現實中道歉?定係佢真係以為自己咁對我，係小事嚟？
我已經同佢哋絕交後，佢哋都要靠message我某啲刺激我嘅嘢嚟二次傷害我，有次仲見到佢哋有喺ig留言諷刺我。
我覺得佢哋種種後續做嘅事，都令到我嘅負面情緒越嚟越嚴重，啲人話時間可能會沖淡到，但係我覺得自己好似反而係相反。
我想問下大家覺得我係咪有情緒問題？因為自己唔係太敢睇醫生，所以想睇下我係咪真係咁嚴重。同埋我應該點樣去減少呢啲情緒？我想逃避都避唔到，我覺得好大部分係因為返學日日都要見到佢，而搞到自己越嚟越嚴重。同埋我唔肯接受咁嘅道歉係咪我問題？
Sor for 1999🙏