#NSS學校
[GUEST] 見到#nss220320f, 我又諗返起一件小二發生，至此令我有一段時間唔願意同人交流既事。
講番個背景先：
我同「朋友」小一開始認識，但係呢段關係由小二開始逐漸變質。
“如果你想繼續同我做朋友嘅話，你就同我做某啲野”
我一直當佢係bff，再加上當年年少無知,就任由呢一段扭曲嘅關係持續落去。
無論係喺運動場免費將我啲嘢食畀你食,抑或是老師送畀我嘅禮物轉贈畀你, 我都唔介意,我唔介意付出,我只係想繼續同你做朋友.
正所謂紙包唔住火,靠物質維繫嘅關係仲有一日唔會維持得落去.
一直用開嘅鉛芯筆憑空消失, 我一開始只係覺得自己大頭蝦整唔見咗,直到我見到你拎住我嗰支, 我先不得不迫自己面對現實.
同班主任講咗佢一開頭都唔care，直到有一位同學願意指證，班主任先喺第二朝早叫你企出嚟問返成件事.
“係佢偷走咗我把間尺先！” 「朋友」喊住哭訴。
我當場震驚咗，老實講一句，我唔認為我會偷人把間尺，如果我想要某一種文具，我大不了我可以叫屋企人買畀我，絕對唔會淪落到去偷人嘢。
好可惜，我當時唔想要佢難堪，亦都唔想搞大件事，我食咗呢一個死貓¯_(ツ)_/¯
上到小三，我下定決心唔會再笑，唔想再認識新朋友，唔想再畀人有機會利用自己。
呢個狀態直到去小學畢業，我都未完全脫離。
小妹人格係典型esfp ，係嗰種活潑開朗嘅人，只可以話呢一件事對我打擊實在太大，直接成個人外向變內向(･–･)
———————————————————
好多謝大家睇都呢度~
老實講我覺得自己呢一個行為好似嗰啲畀人飛咗仍然死纏爛打lol
人格係天生，人賤都係天生。
Sor for 1999