#NSS個人
[GUEST] 小妹中學,最近有啲友誼方面的煩惱。
唔知長唔長, 但感謝閱讀
–
（1）我個 frd gp有4個人，上年學期頭開始熟。發展到今年, 我以為會繼續frd 落去。但係完來唔止三個人嘅友誼,四個人嘅友誼都會有人畀人杯,而我係第一個。
–
（2）我再前兩年嗰陣時又係四人友誼, 之後散咗。承認我係有缺點, 但只要佢哋肯講出嚟我肯改,但係佢哋冇,所以一直存在隔膜。個感覺係佢哋對我講一半唔講一半, 佢哋三個出街唔預我。可能因為我屋企較嚴, 或佢哋醒唔起我。佢哋三個仲有同款嘅物品, 冇我分。唔知係咪得我咁諗, 一啲同款嘅嘢可以連繫咗彼此, 係一種象徵。所以超級介意。
–
（3）最後散嘅原因係有一個人去咗其他圈子,拋低我哋三人。後來就發展到餘返嗰三個各散東西。直至遇到下一班frd之前都係超自卑同日日反思人際關係, 然後爆喊。
–
（4）之就就同宜家班frd熟咗, 佢哋好似拯救咗我咁, 令開心咗好多, 相處一直冇乜特別。疫情開始冇返學但都有keep contact, 出吓街。 對佢哋珍而重之, 盡量趕上佢哋, 唔想再發生第二段嘅事情。到近排, 復課大家溝通多咗。佢哋三個住得近, 同我天各一方, 會唔會有好多事都錯過咗?佢哋又買同款嘢, 出街唔預我, 同之前一樣。 甚至講埋「我哋杯你。亅。我唔肯定佢哋係認真講呢句定玩。當局者迷,旁觀者清。自問自己未能判斷,亦希望佢哋係玩。一方面覺得佢哋講到出口, 咁我無謂留低? 冇理由咁臉皮。另一方面唔想同自己講自己畀人杯, 唔想好似之前咁。 最後決定厚面皮, 諗住到佢哋真正同我決裂之前盡力挽回, 希望入返去。買佢哋想要嘅嘢,佢哋一搵我就即覆或者衝落街。
–
（5）然而咁做好辛苦, 我知有付出先有回報。最怕我嘅「付出亅喺佢哋眼中係表演, 打動唔到佢哋。有冇啲咩方法可以令我重新入返去? 或者我根本冇資格擁有朋友, 哪怕佢哋唔係真嘅。
#我嘅唔成熟麻煩咗大家, 對唔住admin同各位讀者
*sorry for 1999
*錯字勿屌